సెప్టెంబర్ 2న పవన్ కల్యాణ్ సినిమా 'కొమరం పులి' విడుదల లేకపోవడం జగపతిబాబు సినిమా 'గాయం2'కు కలిసొచ్చింది. 'కొమరం పులి' 2న (ఆరోజు పవన్ కల్యాణ్ పుట్టినరోజు) వస్తున్నదనే ఉద్దేశంతో చాలామంది చిన్న నిర్మాతలు తమ సినిమాల్ని అక్టోబరుకు వాయిదా వేసుకున్నారు. అయితే 'పులి' సెప్టెంబర్ 10న అయిన వస్తుందో, లేదో గ్యారంటీ లేకపోవడంతో థియేటర్లు ఖాళీగా ఉండే పరిస్థితి తలెత్తింది. ఇదే 'గాయం2'కు అనుకూలంగా మారింది. మొన్నటిదాకా ఈ సినిమాని కొనేందుకు బయ్యర్లెవరూ ముందుకు రాలేదు. అందువల్ల ఈ సినిమాకి డెఫిసిట్ తప్పదని అంతా అనుకున్నారు. కానీ అనూహ్యంగా రెండు రోజుల్లో పరిస్థితి మారిపోయింది. ఈ సినిమాని కొనేందుకు బయ్యర్లు ఎగబడ్డారు. ఫలితంగా డెఫిసిట్ తప్పదనుకున్న నిర్మాత లాభాలతో సినిమాని రిలీజ్ చేసే స్థితి ఏర్పడింది. జగపతిబాబు సరసన విమలా రామన్ నటించిన ఈ సినిమాని రాంగోపాల్ వర్మ శిష్యుడు ప్రవీణ్ శ్రీ డైరెక్ట్ చేశాడు. సెప్టెంబర్ 3న ఈ సినిమా విడుదలవుతోంది.
No comments:
Post a Comment