Showing posts with label srihari. Show all posts
Showing posts with label srihari. Show all posts

Saturday, January 28, 2012

ప్రివ్యూ: యమహో యమః

యమధర్మరాజుగా శ్రీహరి తొలిసారిగా నటిస్తున్న చిత్రం 'యమహో యమః'. సాయిరాం శంకర్, పార్వతీ మెల్టన్ హీరో హీరోయిన్లుగా నటిస్తున్నారు. జి.వి.కె. ఆర్ట్స్ బేనర్‌పై జి. విజయ్‌కుమార్ గౌడ్ నిర్మిస్తున్న ఈ సినిమాకి జితేందర్ వై. దర్శకుడు. 
"తొలిసారి యముడిగా బరువైన పాత్ర చేస్తున్నా. ఇది అసాధారణ స్క్రిప్ట్. బాగా నవ్వించే సినిమా. ఇదివరకు మహామహులు పోషించిన ఈ పాత్రని బాగా చేసి, నన్ను నేను నిరూపించుకోవడానికి కృషిచేస్తున్నా" అని శ్రీహరి చెప్పారు. ఈ సినిమాకు సంబంధించిన ఓ విశేషం దర్శకుడు పూరి జగన్నాథ్ ఓ గెస్ట్ కేరక్టర్ చేయడం.
హీరో సాయిరాం మాట్లాడుతూ "యమునిగా శ్రీహరి చేస్తుండటంతో ఈ ప్రాజెక్టుకు మార్కెట్‌లో మంచి క్రేజ్ వచ్చింది. అమెరికా వెళ్లిన ఓ కుర్రాడికీ, అక్కడకు వచ్చిన యమునికీ మధ్య జరిగే కథ ఇది" అని చెప్పాడు. ఈ సినిమాతో తనకు కచ్చితంగా బ్రేక్ వస్తుందని అతను ఆశిస్తున్నాడు. పార్వతీ మెల్టన్ అమెరికాలో ఉండే తెలుగమ్మాయి పాత్రని చేస్తోంది. "ఇంతవరకు మన ప్రాంతంలోనే అలరిస్తూ వచ్చిన యముడు అమెరికాలో అడుగుపెడితే ఎలా ఉంటుందనే ఆలోచనతో అల్లిన కథ ఇది" అని దర్శకుడు జితేందర్ తెలిపాడు.
ఈ సినిమాతో మహతిగా పేరు మార్చుకున్న బొంబాయ్ భోలే సంగీతం సమకూరుస్తున్న ఈ సినిమాలో అలీ, భరత్, కోవై సరళ ప్రధాన తారాగణం. ఈ చిత్రానికి మాటలు: వెలిగొండ శ్రీనివాస్, పాటలు: చంద్రబోస్, భాస్కరభట్ల, చిర్రావూరి, సినిమాటోగ్రఫీ: భరణి కె. ధరన్, ఎడిటింగ్: మార్తాండ్ కె. వెంకటేశ్, ఫైట్స్: రాం-లక్ష్మణ్, కథ, స్క్రీన్‌ప్లే, దర్శకత్వం: జితేందర్ వై.

Sunday, September 4, 2011

న్యూస్: నాలుగేళ్ల తర్వాత తెలుగులో ఉపేంద్ర

నాలుగేళ్ల విరామం తర్వాత కన్నడ స్టార్ యాక్టర్ ఉపేంద్ర ఓ తెలుగు సినిమాలో నటించేందుకు సిద్ధమవుతున్నాడు. కౌశిక్‌బాబు టైటిల్ పాత్రధారిగా జె.కె. భారవి దర్శకత్వంలో రూపొందుతున్న 'ఆదిశంకర'లో నటించేందుకు అతను అంగీకరించాడు. "భారవి తయారుచేసుకున్న 'ఆదిశంకర' సినేరియో అద్భుతంగా ఉంది. ఈ కథలో అమరుక మహారాజు పాత్ర నన్నెంతో ఆకట్టుకుంది. నా ఇమేజ్‌కి, బాడీ లాంగ్వేజ్‌కి అతికినట్టుగా ఉంది. ఇలాంటి చారిత్రాత్మక చిత్రంలో నటించాలనే కోరిక దీనితో తీరుతోంది" అని చెప్పాడు ఉపేంద్ర. 'కన్యాదానం'తో నేరుగా తెలుగు ప్రేక్షకులకు పరిచయమైన అతను 'ఒకే మాట', 'రా', 'నీతోనే ఉంటాను'. చిత్రాల్లో హీరోగా నటించాడు. తెలుగులో అతని చివరి సినిమా 2007లో వచ్చిన 'టాస్'. తెలుగు స్ట్రెయిట్ సినిమాల్లో మంచి అవకాశాలొస్తే తప్పకుండా చేస్తానని చెబుతూ వచ్చిన ఉపేంద్ర ఇప్పుడు హీరోగా కాకపోయినా ఓ చారిత్రక చిత్రంలో కీలక పాత్ర చేయడానికి సిద్ధమయ్యాడు. 'ఆదిశంకర'లో శ్రీహరి, సాయికుమార్, సుమన్, ప్రకాశ్‌రాజ్, ఆనంద్, జయప్రద, రోజా, రోహిణి, తులసి, సంగీత వంటి సీనియర్ తారలు నటిస్తుండటం విశేషం. మరో ఇద్దరు పేరుపొందిన హీరోల్ని కూడా ఈ సినిమాలో నటింపజేసేందుకు భారవి కృషి చేస్తున్నారు. నాగ్ శ్రీవత్స సంగీతం అదిస్తున్న ఈ సినిమాకి దర్శకత్వం వహిస్తుండటమే కాక కథ, మాటలు, స్క్రీన్‌ప్లేని కూడా భారవి స్వయంగా సమకూరుస్తున్నారు.

Friday, August 19, 2011

బిగ్ స్టోరీ: మన 'విలన్'పై చిన్న చూపెందుకు?

సాధారణంగా మన సినిమాల్లో ముఖ్యమైన పాత్రలు మూడుంటాయి. హీరో, హీరోయినూ, విలనూ. హీరో హీరోయిన్లుగా అందమైన వాళ్లనే ఎంచుకుంటారు. కానీ విలన్‌కి మాత్రం ఎంత క్రూరంగా కనిపించే ముఖమైతే అంత నప్పుతుందని అట్లాంటి వాళ్లని గాలించి మరీ మన సినిమావాళ్లు విలన్లని చేస్తుంటారు. మన సినిమా విలన్లకు లేని దుర్గుణాలు కానీ, వాళ్లు చెయ్యని ఘోరాలు కానీ వుండవు. తెరమీద కనిపించడమే తాము చాలా దుర్మార్గులమని గట్టిగా చెప్పుకుంటారు. వాళ్లెంతటి దుర్మార్గంగా వుంటారంటే తేడా వస్తే తమ మనిషిని కూడా అతి సులువుగా చంపేస్తూ వుంటారు. కొంతమంది విలన్లు సూటూ బూటూ వేసుకుని పైకి బాగా మంచివాళ్లుగానే కనిపించినా వాళ్లు చేసేవన్నీ దుర్మార్గపు పనులే. కొంతమందయితే నల్ల కల్లజోళ్లు పెట్టుకునో, ఒక కన్ను లేకుండానో, చెంపమీద పెద్ద గాటుతోనో, ఒక చెయ్యి లేదా ఒక కాలు లేనివాళ్లుగానో కనిపించి అసలు సిసలు విలన్లు తామే అనిపిస్తుంటారు. ఈ ప్రతినాయకుల ముఖ్య కర్తవ్యం హీరో హీరోయిన్లని తిప్పలు పెట్టడం, వాళ్లు కలుసుకోకుండా చూస్తూ రీళ్లని పెంచడం. ఈ పనికోసం సినిమా ఆరంభం నుంచి ఆఖరుదాకా హీరోయిన్ వంక కోరచూపులు చూస్తూవుంటారు. ఈ విలన్లకు గుర్రపుస్వారీ, ఫైట్లు అన్నీ బాగావచ్చు. హీరోకంటే కూడా వాటిలో అతడికి ఎక్కువ సామర్థ్యం వుంటుంది. కండబలంతో పాటు తెలివితేటలూ ఎక్కువే. అయితే రచయితా, దర్శకుడూ, కథా - వీళ్లంతా కుట్రతో విలన్నే ఎప్పుడూ ఓడిస్తూ వుంటారు. సినిమా ఆఖర్న విసిగిపోయిన విలన్ చావనైనా చస్తాడు లేదంటే పోలీసులతో సంకెళ్లయినా వేయించుకుంటాడు. లేదంటే బుద్ధి వచ్చిందని లెంపలేసుకుంటాడు. మొత్తానికి ఈ విలనే లేకపోతే హీరోగారి హీరోయిజం బయటపడదు కాబట్టి నూటికి తొంభై అయిదు సినిమాలకి ఈ విలనే ఆధారం.
ఇప్పుడిదంతా చెప్పడం ఎందుకంటే ఇంతటి ప్రాధాన్యత వున్న విలన్ పాత్రధారుల్ని ఇవాళ మన సినిమావాళ్లు చిన్నచూపు చూస్తున్నారని. అలనాటి గోవిందరాజుల సుబ్బారావు నుంచి ఇప్పటి జయప్రకాశ్‌రెడ్డి దాకా విలనిజాన్ని గొప్పగా ప్రదర్శిస్తున్నా వాళ్లకి దక్కాల్సిన గౌరవం దక్కడం లేదనిపిస్తుంది. ఈ విషయంలో అప్పటివాళ్లు చాలా మెరుగు. గోవిందరాజుల సుబ్బారావు, సీఎస్సార్ ఆంజనేయులు, ధూళిపాళ, ఎస్వీ రంగారావు, ముక్కామల, రాజనాల, జగ్గయ్య, ఆర్. నాగేశ్వరరావు, నాగభూషణం, రావు గోపాలరావు, కైకాల సత్యనారాయణ, కోట శ్రీనివాసరావు వంటి విలన్ పాత్రధారులకి పేరు ప్రతిష్ఠలూ, గౌరవమూ దక్కాయి. శకుని పాత్ర పోషణలో సీఎస్సార్, ధూళిపాళ; విశ్వామిత్ర పాత్రలో ముక్కామల; రావణాసురుడు, దుర్యోధనుడి పాత్రల్లో ఎస్వీ రంగారావు; దుష్ట మాంత్రికుడి పాత్రలో ఎస్వీ రంగారావు, రాజనాల; దుష్ట సైన్యాధిపతి పాత్రలో రాజనాల; 'అల్లూరి సీతారామరాజు'లో బ్రిటీష్ అధికారి రూథర్‌ఫర్డ్ పాత్రలో జగ్గయ్య పేరు ప్రఖ్యాతులు తెచ్చుకున్నారు. ఎస్వీ రంగారావు కేవలం దుష్ట పాత్రల్లోనే కాకుండా సాత్త్విక పాత్రల్లోనూ గొప్పగా రాణించి మహానటుడు అనిపించుకున్నారు.
ఆయన తర్వాత అట్లాంటి ఖ్యాతి కైకాల సత్యనారాయణకీ, కోట శ్రీనివాసరావుకీ దక్కింది. హీరోగా వచ్చి విలన్‌గా నిలదొక్కుకొని, క్యారెక్టర్ ఆర్టిస్టుగా రూపాంతరం చెందిన సత్యనారాయణని అందుకే అందరూ 'నవరస నటనాసార్వభౌమ' అనేది. కేవలం డైలాగ్ మాడ్యులేషన్‌తోటే విలన్లుగా గొప్పగా రాణించినవాళ్లు నాగభూషణం, రావు గోపాలరావు. సీరియస్ విలనిజంలో హాస్యాన్ని జోడించి మాటని విరిచి మాట్లాడే నాగభూషణాన్ని ప్రేక్షకులు బాగా ఆదరించారు. డైలాగుల్లో గోదావరి యాసని జోడించి కొన్ని మాటల్ని వత్తి పలుకుతూ విలన్‌గా రావు గోపాలరావు కొత్త రూపంతో కనిపించడంతో ఆయనకు తిరుగులేకుండా పోయింది. 'ముత్యాల ముగ్గు', 'యమగోల' చిత్రాల్లో ఆయన డైలాగుల్ని ఇప్పటికీ చాలామంది తెలుగువాళ్లు మరచిపోలేదు. 'అహ నా పెళ్లంట'లో పిసినారి విలన్‌గా, 'గాయం'లో గుండు విలన్‌గా కోట శ్రీనివాసరావు నటనకి శభాష్ అన్నారు ప్రేక్షకులు. ఒక్క విలన్‌గానే కాక హాస్య పాత్రల్లోనూ, 'ఆడవారి మాటలకు అర్థాలే వేరులే' వంటి చిత్రాల్లో క్యారెక్టర్ ఆర్టిస్టుగానూ తను తక్కువవాణ్ణి కానని కోట నిరూపించుకున్నారు.
ఇంతమంది నటులు విలన్‌గా రాణించి హీరోలతో పాటే (తక్కువగానైనా) స్థిరంగా పేరు తెచ్చుకున్నా ఇప్పుడు అట్లాంటి స్థిరమైన విలన్ వేషధారులు కనిపించకపోవడమే బాధాకరం. జయప్రకాశ్‌రెడ్డి, తనికెళ్ల భరణి వంటి నటులు విలన్ వేషాల్లో మెప్పిస్తున్నా వాళ్లు ఎక్కువ సినిమాల్లో కనిపించడం లేదు. 'ప్రేమించుకుందాం రా' చిత్రంలో జయప్రకాశ్‌రెడ్డి విలన్‌గా మంచి గుర్తింపు తెచ్చుకున్నా తగినన్ని అవకాశాలు మన నిర్మాతలు, హీరోలు ఇవ్వడం లేదు. అతను ఆహార్యంలో కానీ, హావభావాల్లో కాన్నీ పచ్చి దుర్మార్గాన్ని పలికించడంలో నేర్పరి. ఇతన్ని తెలుగు చిత్రసీమ సరైన రీతిలో వినియోగించుకుంటే ఈసరికే తిరుగులేని విలన్ అయ్యుండేవాడు. 'మాతృదేవోభవ', 'నువ్వు నేను' సినిమాల్లో అతి క్రూరమైన విలన్ పాత్రల్లో బాగా రాణించిన తనికెళ్ల భరణిని విలన్‌గా కంటే హాస్య నటుడి పాత్రల్లోనే ప్రేక్షకులు ఎక్కువగా చూస్తున్నారు. కాబట్టి భరణిని హాస్యనటుల జాబితాలోనే వేసుకోవాలి. చలపతిరావుది మరో రకం కథ. పక్కా విలన్‌గా కనిపించే రూపం వున్నా ఎందుకనో పరిశ్రమ ఆయన్ని సరిగా ప్రమోట్ చేయలేదు. తెలుగులో ద్వితీయ శ్రేణి సినిమాల్లోనే ఎక్కువగా ప్రధాన విలన్ పాత్రలు వేసిన ఆయన 'నిన్నే పెళ్లాడుతా' నుంచి క్యారెక్టర్ ఆర్టిస్టుగా స్థిరపడ్డాడు.
ప్రస్తుతం విలన్ వేషాల్లో పేరు తెచ్చుకుంటున్న వాళ్లంతా హీరో వేషాలు వేయడానికే ఆసక్తి చూపిస్తూ రావడం గమనార్హం. హీరోగా పరిచయమై, మళ్లీ అవకాశాలు లేకపోవడంతో 'జయం'తో విలన్‌గా మారిన గోపీచంద్ ఆ పాత్రలకి అచ్చుగుద్దినట్లు సరిపోయాడు. 'వర్షం', 'నిజం' సినిమాలు ఆ కోవలేనివే. తెలుగు సినిమాకి మంచి తెలుగు విలన్ లభించాడని అందరూ ఆనందిస్తున్న కాలంలోనే అనూహ్యంగా 'యజ్ఞం'తో హీరో అయిపోయాడు గోపీచంద్. ఇప్పుడు ఆ పాత్రల్లో తనకంటూ సొంత ఇమేజ్ కూడా సంపాదించేసుకున్నాడు. ఆ తర్వాత వచ్చిన కుర్ర విలన్లు అజయ్, సుబ్బరాజు కూడా హీరో పాత్రల కోసం ట్రై చేస్తున్నారు. అజయ్ ఇప్పటికే రెండు సినిమాల్లో హీరోగా నటించేశాడు కూడా. సుబ్బరాజు కూడా అదే బాటలో పయనించాలని చూస్తున్నాడు.
మనం ఇక్కడ ఇంకో ఇద్దరు నటుల గురించి కూడా చెప్పుకోవాలి. విలన్లుగా పేరు తెచ్చుకుని, తర్వాత హీరోలుగా కూడా రూపాంతరం చెంది, అట్లా కూడా పేరు తెచ్చుకున్న ఆ నటులు - మోహన్‌బాబు, శ్రీహరి. కొత్తరకం డైలాగ్ మాడ్యులేషన్‌తో మోహన్‌బాబు, యాక్షన్ విలన్‌గా శ్రీహరి బాగానే పేరు తెచ్చుకున్నారు. కానీ మరింతకాలం విలన్లుగా వాళ్లు నటించి వుంటే వాళ్ల సేవలు అటు పరిశ్రమకీ, ఇటు ప్రేక్షకులకీ దక్కేవి. సో, ఇద్దరు మంచి విలన్లని అట్లా మిస్సయ్యాం. పోతే ఇప్పుడు మన పెద్ద నిర్మాతలు, పెద్ద హీరోలు తమ చిత్రాల్లో విలన్లుగా మన నటుల్ని కాక ఇతర భాషల నుంచే ఎక్కువగా దిగుమతి చేసుకుంటుండటం వల్ల కూడా మన 'విలన్' నటులకి మంచి అవకాశాలు దక్కడం లేదు. ముఖేష్‌రుషి, మోహన్‌రాజ్, ఆనంద్‌రాజ్, సాయికుమార్ (మలయాళీ), సాయాజీ షిండే, ప్రదీప్ రావత్, రాహుల్‌దేవ్, ముకుల్‌దేవ్, దండపాణి వంటి పరభాషా విలన్లనే మన అగ్రహీరోలు కోరుకుంటున్నారు. ఈ పరిస్థితి మారాలి. పెద్ద హీరోలు మన వాళ్లలోని టాలెంటుని గుర్తించి అవకాశాలు ఇవ్వాలి. నిర్మాతలు కూడా ఈ విషయంలో ఒత్తిడికి లోంగిపోకూడదు. అలా జరిగితే మరికొందరు మంచి తెలుగు 'విలన్లు' తయారవుతారు. వాళ్లలో కొందరైనా చరిత్రలో స్థానం పొందగలిగే అవకాశం వుంటుంది.

Wednesday, August 17, 2011

న్యూస్: 'టీ.. సమోసా.. బిస్కెట్'తో బాబ్జీ నమ్మకం ఫలిస్తుందా?

'నల్లపూసలు' సినిమాతో పేరు తెచ్చుకున్న బాబ్జీ పదకొండేళ్ల విరామంతో మరోసారి దర్శకత్వం చేపట్టాడు. చివరిసారి ఆయన డైరెక్ట్ చేసిన సినిమా 'ఎన్.టి.ఆర్. నగర్'. చిరంజీవి, నాగార్జున, బాలకృష్ణ, వెంకటేశ్ డూపులే హీరోలుగా ఈ సినిమాని ఆయన తీశారు. ఇందులో చిరంజీవి డూపుగా రాజ్‌కుమార్ నటించాడు. తీసిన సినిమాలేవీ కమర్షియల్‌గా వర్కవుట్ కాకపోవడంతో ఆయనతో సినిమాలు తీయడానికి మళ్లీ ఏ నిర్మాతా ముందుకు రాలేదు. ప్రజా నాట్యమండలి కళాకారుడు కూడా అయిన బాబ్జీ ఇన్నాళ్లకి సొంతంగా నిధులు సమకూర్చుకుని ఇప్పుడు 'టీ.. సమోసా.. బిస్కెట్' సినిమాని ప్రారంభించాడు. ఇందులో శ్రీహరి, హంసానందిని జంటగా నటిస్తున్నారు. ఇటీవలే వచ్చిన అల్లరి నరేశ్ సినిమా 'అహ నా పెళ్లంట'లో భార్యాభర్తలుగా దర్శనమిచ్చిన వారు ఇప్పుడు ఇందులో హీరో హీరోయిన్లుగా నటిస్తుండటం గమనార్హం. "ఈ రోజుల్లో నగరాలు కాఫీ క్లబ్బులు, పబ్బులమయమై పోతున్నాయి. పేదవాడు పది నిమిషాలు సేదతీరుదామన్నా దగ్గర్లో ఎలాంటి హోటల్సూ ఉండటం లేదు. ఈ పాయింటునే ప్రధానాంశంగా తీసుకుని ఈ సినిమా చేస్తున్నా" అని చెప్పాడు బాబ్జీ. పీపుల్స్ థియేటర్ పతాకంపై ఈ చిత్రాన్ని స్వయంగా నిర్మిస్తున్న బాబ్జీని ఎందుకింత రిస్క్ తీసుకుంటున్నారని ప్రశ్నిస్తే "ఈసారి తప్పకుండా కమర్షియల్ హిట్ కొడతా. సబ్జెక్ట్ అంత బాగా వచ్చింది" అని ఎంతో కాంఫిడెంట్‌గా చెప్పాడు. ఈ సినిమా ఫ్లాపైతే అప్పలపాలైపోతానని ఆయనకి బాగా తెలుసు. ఆయన నమ్మకం ఫలిస్తుందా?

Wednesday, August 10, 2011

న్యూస్: యముడైనా గట్టెక్కిస్తాడా?

కెరీర్‌లో ఒక్క హిట్టూలేని హీరో సాయిరాం శంకర్. టాప్ డైరెక్టర్ పూరి జగన్నాథ్ తమ్ముడైన సాయిరాం '143' సినిమాతో హీరోగా పరిచయమయ్యాడు. జగన్నాథ్ స్వయంగా డైరెక్ట్ చేసిన ఈ సినిమా బాక్సాఫీసుని గెలవలేకపోయింది. ఆ తర్వాత సాయిరాం 'హలో ప్రేమిస్తారా', 'వాడే కావాలి', 'డేంజర్', 'బంపర్ ఆఫర్' సినిమాల్లో హీరోగా నటించాడు. వీటిలో 'బంపర్ ఆఫర్' హిట్టవుతున్నట్లే కనిపించి, ఫ్లాప్‌గా తేలింది. 'డేంజర్'కి కృష్ణవంశీ డైరెక్టర్ అయినా ప్రయోజనం లేకపోయింది. వీటితో పాటు రవితేజ సినిమా 'నేనింతే'లో హీరో అభిమానిగా సాయి నటించాడు. ఇవేవీ అతని కెరీర్‌కు దోహదం చేయలేదు. కాగా అతను హీరోగా మరో సినిమా తెరకెక్కుతోంది. దాని పేరు 'యమహో యమహ'. 'ఇన్ అమెరికా' అనేది ట్యాగ్‌లైన్. ఇది సోషియో ఫాంటసీ కావడం గమనార్హం. ఇందులో యమధర్మరాజు పాత్రని శ్రీహరి చేస్తుండటం విశేషం. ఆయన ఆ పాత్రని పోషించడం ఇదే ప్రథమం. ఈ సినిమాకి సంబంధించిన మరో ఆసక్తికర అంశం సాయి సరసన పార్వతీ మెల్టన్ నటిస్తుండటం. పవన్ కల్యాణ్ సినిమా 'జల్సా' తర్వాత ఆమె మళ్లీ తెలుగు సినిమాలో నటించడం ఇదే. 'వేడుక' ఫేం జితేందర్ దర్శకత్వం వహిస్తున్న ఈ సినిమా రెగ్యులర్ షూటింగ్ సెప్టెంబర్ 20 నుంచి అమెరికాలో జరగనున్నది. యమధర్మరాజు ఉంటే ఆ సినిమా హిట్టే అనే సెంటిమెంట్‌ని సినీ జనం గట్టిగా నమ్ముతున్నారు కాబట్టి ఈ సినిమా అయినా విజయం సాధించి సాయి కెరీర్‌కి ప్రయోజనం చేకూరుస్తుందేమో చూడాలి.

Saturday, July 30, 2011

న్యూస్: 'మార్క్'ని ఆశీర్వదించడానికి మన హీరోలకు మనసు రాలేదు!

ఫైట్ మాస్టర్ విజయన్ పేరు వినని, తెలీని సినిమా ప్రియులు ఉండరు. అనేకమంది హీరోలు మాస్‌లో మంచి ఇమేజ్ సంపాదించుకోడానికి ఆయన సమకూర్చిన ఫైట్లు ఉపకరించాయి. నేటి పేరుపొందిన హీరోల్లో ఎక్కువమంది తొలి సినిమాలకి ఆయనే ఫైట్ మాస్టర్. ఆయన ఖ్యాతి అలాంటిది. 1975 నుంచీ అంటే 36 సంవత్సరాలుగా ఒకే వృత్తిలో అగ్ర స్థాయిలో కొనసాగడమంటే సాధారణ విషయం కాదు. విజయన్ అలాంటి అరుదైన వృత్తి నిపుణుడు. అవును. ఫైట్ మాస్టర్లలో ఇప్పటికీ ఆయనది అగ్ర స్థాయే. ఫైట్లలో ఎప్పటికప్పుడు వస్తున్న మార్పుల్ని గమనిస్తూ, తనని తాను అప్‌డేట్ చేసుకుండటమే ఆయన విజయ రహస్యం. ఇప్పుడాయన తన కుమారుడు శబరీశ్‌ని హీరోగా ప్రేక్షకుల ముందుకు తీసుకు వస్తున్నాడు. ఆ సినిమా పేరు 'మార్క్'. సోమవారమే (జూలై 25) ఆ సినిమా ఆడియో మార్కెట్లోకి వచ్చింది. ఈ సినిమాని మొదట తమిళంలో తన దర్శకత్వంలోనే ప్రారంభించాడు విజయన్. కొంత షూటింగ్ జరిపాక ఇందులో ఓ కీలక పాత్రకి శ్రీహరిని సంప్రదించాడు. చేయడానికి వెంటనే ఒప్పుకున్న శ్రీహరి తెలుగులోనూ ఈ సినిమాని తీసుకు వస్తే బాగుంటుందని సలహా ఇచ్చాడు. నిర్మాతగా నట్టి కుమార్ పేరునూ సూచించాడు. అలా తమిళ, తెలుగు భాషల్లో 'మార్క్' రూపొందింది. ఈ సినిమాలో శ్రీహరి మినహా మరో తెలుగు నటుడు కనిపించడు. హీరోయిన్‌గా బ్యాంకాక్‌కు చెందిన పింకీ నటించింది. మంచి పొడగరి అయిన శబరీశ్ ఈ సినిమాలో ఫైట్స్‌ని గొప్పగా ఛేశాడంటున్నారు. క్లైమాక్స్‌లో చేసిన రిస్కీ షాట్లో మొహం ఎడమవైపు కాలిపోవడంతో చాలా రోజులు ఈ సినిమా షూటింగ్ ఆగింది. శబరీశ్‌కి నయమయ్యాక ఈ సినిమాని పూర్తి చేశాడు విజయన్. అయితే జూలై 25న ఏర్పాటు చేసిన ఆడియో ఫంక్షన్ సందర్భంగా విజయన్ మాస్టర్ కొంత భావోద్వేగానికి గురయ్యాడు. కారణం, ఈ వేడుక కోసం ఆయన ఆహ్వానించిన వారిలో చాలామంది రాకపోవడం. అలా మొహం చాటేసిన వారిలో ఎక్కువమంది హీరోలే. చిరంజీవి, పవన్ కల్యాణ్, మహేశ్ వంటి హీరోల్ని ఆయన ఆహ్వానించాడు. వారంతా వస్తామని చెప్పి కూడా డుమ్మా కొట్టారు. ఇప్పుడే కాదు, 'మార్క్' ఓపెనింగ్‌కీ వారు ఇలాగే ఆయనకు ఝలక్ ఇచ్చారు. ఆయన సమకూర్చిన ఫైట్లతో యాక్షన్ హీరోలుగా పేరు తెచ్చుకున్న మన హీరోలకు ఆయన కుమారుణ్ణి ఆశీర్వదించడానికి మాత్రం మనసు రాలేదు. సినీ'మాయా'రంగమని మరి ఊరికే అన్నారా? ఏమైనా మనసున్నవారే ఈ ఫంక్షన్‌కి వచ్చి శబరీశ్‌ని ఆశీర్వదించారు.

Monday, July 11, 2011

న్యూస్: హిట్టు కోసం తొమ్మిదేళ్లుగా నిరీక్షణ!

త్రివిక్రం దర్శకుడిగా పరిచయమైన 'నువ్వే నువ్వే'  (2002) తర్వాత హీరో తరుణ్‌కి ఇంతవరకు చెప్పుకోదగ్గ మరో హిట్ దక్కకపోవడం ట్రాజెడీ. తప్పకుండా హిట్టవుతాయనకున్న 'నవ వసంతం', 'భలే దొంగలు', 'శశిరేఖా పరిణయం' సినిమాలు కూడా అతనికి హేండిచ్చాయి. వీటిలో మొదటి దాన్ని ఆర్.బి. చౌదరి నిర్మిస్తే, రెండోది బాలీవుడ్ సూపర్ హిట్ 'బంటీ ఔర్ బబ్లీ'కి రీమేక్. ఇక మూడోదాన్ని డైరెక్ట్ చేసింది కృష్ణవంశీ. 'శశిరేఖా పరిణయం' వచ్చి రెండేళ్లయినా ఇంతవరకు తరుణ్ సినిమా ఏదీ రిలీజ్ కాలేదు. విమలా రామన్ జతగా అతను నటించిన 'చుక్కలాంటి అమ్మాయి చక్కనైన అబ్బాయి' చిత్రం 2010లోనే విడుదల కావాల్సి ఉండగా ఇప్పటికీ జనం మధ్యకు రాలేకపోయింది. 2011లోనూ రెండుసార్లు విడుదల తేదీ ప్రకటించినా ఆ పని చేయలేకపోయారు నిర్మాతలు. ఈ సినిమాకి ఇద్దరు నిర్మాతలు, వారిలో ఒకరు సుప్రీం మ్యూజిక్ అధినేత రాజు హర్వాణీ కాగా, మరొకరు సినీ జర్నలిస్టు అయిన గోగినేని శ్రీనివాస్. ఆరంభంలో ఈ సినిమా షూటింగ్ సవ్యంగా నడవలేదు. మొదట డైరెక్టర్‌గా పెట్టుకున్న వి.ఎన్. ఆదిత్య నిర్మాతలతో పొసగక ఈ ప్రాజెక్టు నుంచి తప్పుకున్నాడు. దాంతో తమిళుడైన కన్మణితో ఈ సినిమాని పూర్తి చేశారు నిర్మాతలు. చివరిగా మే 27న ఈ సినిమాని విడుదల చేస్తున్నట్లు వారు ప్రకటించారు. కానీ ఆ రోజున ఈ సినిమా రిలీజ్ కాలేదు. తిరిగి ఇప్పటివరకు ఈ సినిమా పరిస్థితి ఏంటో తెలీదు. ఇందులో తరుణ్, విమల హాట్ హాట్ బాత్ రూం సీన్‌లో నటించినట్లు నిర్మాతలు విడుదల చేసిన స్టిల్స్ వల్ల తెలుస్తోంది. తెరమీద ఆ సీన్లని తిలకించే అవకాశం ప్రేక్షకులకి ఎప్పుడొస్తుందో మరి. ఈ సినిమా సంగతి అలా ఉంచితే ప్రస్తుతం రెండు సినిమాల్లో నటిస్తున్నాడు తరుణ్. వాటిలో ఒకటి శ్రీకాంత్ కాంబినేషన్‌తో చేస్తున్న 'అనుచరుడు' కాగా, మరోటి శ్రీహరి కాంబినేషన్‌తో చేస్తున్న 'యుద్ధం'. ఈ సినిమాలైనా సకాలంలో విడుదలై, తరుణ్‌కి మంచి కెరీర్‌ని ఇస్తాయో, లేదో చూడాలి.

Monday, July 4, 2011

న్యూస్: శ్రీకాంత్‌కి మళ్లీ నిరాశే

శ్రీకాంత్ ఆశలు మరోసారి వమ్మయ్యాయి. తప్పకుండా విజయం సాధించడంతో పాటు నటుడిగా తనకి పేరు ప్రఖ్యాతులు తీసుకొస్తుందని భావించిన 'విరోధి' సినిమాకి ప్రేక్షకులు కరువవడం అతణ్ణే కాదు సినీ వర్గాల్నే ఆశ్చర్యంలో ముంచెత్తుతోంది. ఎందుకటే ఆ సినిమాకి డైరెక్టర్ ప్రతిభావంతుడిగా పేరుపొందిన నీలకంఠ. కమర్షియల్‌గా పెద్ద హిట్టు కాకపోయినా క్లాస్ ఆడియెన్స్‌నీ, విమర్శకుల్నీ మెప్పిస్తుందని చాలామంది అనుకున్నారు. అయితే మేకా మీడియా బేనర్‌పై శ్రీకాంత్ తమ్ముడు అనిల్ నిర్మించిన ఈ సినిమా రెంటికీ చెడ్డ రేవడిలా తయారయ్యిందని చెప్పాలి. సగటు ప్రేక్షకుడినే కాక మల్టీప్లెక్స్ ఆడియెన్స్‌నీ ఈ సినిమా మెప్పించలేకపోతోంది. దాంతో దీనికి పెట్టిన పెట్టుబడి అంతా బూడిదలో పోసినట్లే. అంతే కాదు జర్నలిస్టుగా నటించిన శ్రీకాంత్ కంటే నక్సలైటుగా నటించిన అజయ్‌కే ఎక్కువ పేరొచ్చింది. కరెక్టుగా చెప్పాలంటే ఇది శ్రీకాంత్ సినిమా అని కాకుండా అజయ్ సినిమా అనే అంటున్నారు. ప్రధాన స్రవంతి సినిమా విధానంలో గాక కొత్త ధోరణిలో నీలకంఠ చేసిన ప్రయోగం ఎక్కువమందిని ఆకట్టుకోలేక పోతోంది. నక్సలిజం దారి తప్పిపోయిందని 'విరోధి'తో చెప్పాలని ఆయన యత్నించాడు. దానికి ఆయన ఎంచుకున్న స్క్రీన్‌ప్లే బోర్ కొట్టించింది. అందుకే ఈ సినిమా పట్ల ఎక్కువమంది ఆసక్తి కనపర్చడం లేదు.
2007లో 'ఆపరేషన్ దుర్యోధన', 'యమగోల.. మళ్లీ మొదలైంది' తర్వాత శ్రీకాంత్‌కి ఇంతవరకు మరో హిట్టు దక్కలేదు. 'మైఖేల్ మదన కామరాజు' నుంచి మొదలుకుని 'విరోధి' దాకా వరుసగా ఎనిమిది సినిమాలు అటకెక్కాయి. వీటిలో కృష్ణవంశీ డైరెక్షన్‌లో నటించిన 100వ సినిమా 'మహాత్మా' కూడా ఉంది. 'విరోధి' ఫ్లాపవడంతో శ్రీకాంత్ తన పాత్రల విషయంలో పునరాలోచించుకుంటే మంచిదని విశ్లేషకులు సూచిస్తున్నారు. శ్రీహరి తరహాలో ఓ వైపు హీరో పాత్రలు చేస్తూనే మరోవైపు నటనకు అవకాశమున్న ఇతర పాత్రల్ని చేసుకుంటే బెటర్ అనేది వారి అభిప్రాయం.

Saturday, July 2, 2011

న్యూస్: తెలుగు తెరపై మరో యమధర్మరాజు

తెలుగు తెరమీద మరో యమధర్మరాజు కనిపించబోతున్నాడు. ప్రేక్షకుల మనసుల్లో యమధర్మరాజు అనగానే మొదట మెదిలే వ్యక్తి కైకాల సత్యనారాయణ. 'యమగోల' సినిమా నుంచి ఆ పాత్రని సత్యనారాయాణే చేయాలనే అభిప్రాయం బలపడింది. అదివరకు 'సతీ సావిత్రి'లో యమునిగా ఎన్‌టీ రామారావు విశ్వరూపాన్ని మనం చూశాం. అయినా ఆయన ఎక్కువ సినిమాల్లో ఆ పాత్రపోషణ చేయలేదు. అందువల్ల సత్యనారాయణకు తెలుగుతెర యమునిగా కీర్తి దక్కింది. అయితే ఆయనకు వయసు మళ్లినందున ఇతరులకు ఆ పాత్ర చేసే అవకాశాలు కలుగుతున్నాయనుకోవాలి. 'యమదొంగ'లో మోహన్‌బాబుకు ఆ పాత్ర చేసే అవకాశం కల్పించాడు డైరెక్టర్ రాజమౌళి. అందుకు తగ్గట్లుగానే తన విలక్షణ నటనతో, డైలాగ్ డెలివరీతో యముని పాత్రను బాగా అభినయంచి చూపారు మోహన్‌బాబు.
ఆ తర్వాత 'యమగోల.. మళ్లీ మొదలైంది' సినిమాలో సీనియర్ యమునిగా సత్యనారాయణ నటిస్తే, కుర్ర యమునిగా శ్రీకాంత్ పర్వాలేదనిపించుకున్నాడు. ఈ మధ్యే 'బ్రహ్మలోకం టు యమలోకం వయా భూలోకం' సినిమాలో యముని పాత్రని వెటరన్ యాక్టర్ జయప్రకాశ్‌రెడ్డి తనదైన శైలిలో రక్తి కట్టించాడు.
ఇక ఇప్పుడు ఆ పాత్రని పోషించే అవకాశం శ్రీహరికి వచ్చింది. ఓవైపు హీరోగా, మరోవైపు కేరక్టర్ ఆర్టిస్టుగా రాణిస్తున్న ఆయన సాయిరాం శంకర్ హీరోగా నటించే ఓ సినిమాలో యమధర్మరాజు పాత్రని చేయబోతున్నాడు. ఇదివరకు 'వేడుక' అనే సినిమాని డైరెక్ట్ చేసిన జితేందర్ ఈ సినిమాకి దర్శకుడు. ముమైత్‌ఖాన్‌తో 'పున్నమినాగు'ని నిర్మించిన జి. విజయకుమార్ గౌడ్ ఈ సినిమాకి నిర్మాత. అమెరికా నేపథ్యంలో కథ నడవడం ఈ సోషియో ఫాంటసీ ప్రత్యేకత. అంటే ఇప్పటివరకు మన తెలుగు నగరాల్లో, గ్రామాల్లో మాత్రమే హల్‌చల్ సృష్టించిన యమధర్మరాజు ఈ సినిమాలో అమెరికాలో ఆ పని చేయబోతున్నాడు. ఇంకో సంగతేమంటే చాలా గ్యాప్ తర్వాత ఎన్నారై బ్యూటీ పార్వతీ మెల్టన్ ఇందులో నాయికగా సాయిరాం సరసన నటించబోతోంది. ఇలాంటి ఆసక్తికరమైన అంశాలతో వస్తున్న ఈ సినిమా షూటింగ్ సెప్టెంబర్‌లో మొదలు కాబోతోంది. ఇందులో యమునిగా శ్రీహరి ఏవిధంగా రాణిస్తాడో చూడాల్సిందే.

Monday, December 27, 2010

సినిమా: మన 'విలన్'పై చిన్న చూపెందుకు?-2

ఇంతమంది నటులు విలన్‌గా రాణించి హీరోలతో పాటే (తక్కువగానైనా) స్థిరంగా పేరు తెచ్చుకున్నా ఇప్పుడు అట్లాంటి స్థిరమైన విలన్ వేషధారులు కనిపించకపోవడమే బాధాకరం. జయప్రకాశ్‌రెడ్డి, తనికెళ్ల భరణి వంటి నటులు విలన్ వేషాల్లో మెప్పిస్తున్నా వాళ్లు ఎక్కువ సినిమాల్లో కనిపించడం లేదు. 'ప్రేమించుకుందాం రా' చిత్రంలో జయప్రకాశ్‌రెడ్డి విలన్‌గా మంచి గుర్తింపు తెచ్చుకున్నా తగినన్ని అవకాశాలు మన నిర్మాతలు, హీరోలు ఇవ్వడం లేదు. అతను ఆహార్యంలో కానీ, హావభావాల్లో కాన్నీ పచ్చి దుర్మార్గాన్ని పలికించడంలో నేర్పరి. ఇతన్ని తెలుగు చిత్రసీమ సరైన రీతిలో వినియోగించుకుంటే ఈసరికే తిరుగులేని విలన్ అయ్యుండేవాడు. 'మాతృదేవోభవ', 'నువ్వు నేను' సినిమాల్లో అతి క్రూరమైన విలన్ పాత్రల్లో బాగా రాణించిన తనికెళ్ల భరణిని విలన్‌గా కంటే హాస్య నటుడి పాత్రల్లోనే ప్రేక్షకులు ఎక్కువగా చూస్తున్నారు. కాబట్టి భరణిని హాస్యనటుల జాబితాలోనే వేసుకోవాలి. చలపతిరావుది మరో రకం కథ. పక్కా విలన్‌గా కనిపించే రూపం వున్నా ఎందుకనో పరిశ్రమ ఆయన్ని సరిగా ప్రమోట్ చేయలేదు. తెలుగులో ద్వితీయ శ్రేణి సినిమాల్లోనే ఎక్కువగా ప్రధాన విలన్ పాత్రలు వేసిన ఆయన 'నిన్నే పెళ్లాడుతా' నుంచి క్యారెక్టర్ ఆర్టిస్టుగా స్థిరపడ్డాడు.
ప్రస్తుతం విలన్ వేషాల్లో పేరు తెచ్చుకుంటున్న వాళ్లంతా హీరో వేషాలు వేయడానికే ఆసక్తి చూపిస్తూ రావడం గమనార్హం. హీరోగా పరిచయమై, మళ్లీ అవకాశాలు లేకపోవడంతో 'జయం'తో విలన్‌గా మారిన గోపీచంద్ ఆ పాత్రలకి అచ్చుగుద్దినట్లు సరిపోయాడు. 'వర్షం', 'నిజం' సినిమాలు ఆ కోవలేనివే. తెలుగు సినిమాకి మంచి తెలుగు విలన్ లభించాడని అందరూ ఆనందిస్తున్న కాలంలోనే అనూహ్యంగా 'యజ్ఞం'తో హీరో అయిపోయాడు గోపీచంద్. ఇప్పుడు ఆ పాత్రల్లో తనకంటూ సొంత ఇమేజ్ కూడా సంపాదించేసుకున్నాడు. ఆ తర్వాత వచ్చిన కుర్ర విలన్లు అజయ్, సుబ్బరాజు కూడా హీరో పాత్రల కోసం ట్రై చేస్తున్నారు. అజయ్ ఇప్పటికే రెండు సినిమాల్లో హీరోగా నటించేశాడు కూడా. సుబ్బరాజు కూడా అదే బాటలో పయనించాలని చూస్తున్నాడు.
మనం ఇక్కడ ఇంకో ఇద్దరు నటుల గురించి కూడా చెప్పుకోవాలి. విలన్లుగా పేరు తెచ్చుకుని, తర్వాత హీరోలుగా కూడా రూపాంతరం చెంది, అట్లా కూడా పేరు తెచ్చుకున్న ఆ నటులు - మోహన్‌బాబు, శ్రీహరి. కొత్తరకం డైలాగ్ మాడ్యులేషన్‌తో మోహన్‌బాబు, యాక్షన్ విలన్‌గా శ్రీహరి బాగానే పేరు తెచ్చుకున్నారు. కానీ మరింతకాలం విలన్లుగా వాళ్లు నటించి వుంటే వాళ్ల సేవలు అటు పరిశ్రమకీ, ఇటు ప్రేక్షకులకీ దక్కేవి. సో, ఇద్దరు మంచి విలన్లని అట్లా మిస్సయ్యాం. పోతే ఇప్పుడు మన పెద్ద నిర్మాతలు, పెద్ద హీరోలు తమ చిత్రాల్లో విలన్లుగా మన నటుల్ని కాక ఇతర భాషల నుంచే ఎక్కువగా దిగుమతి చేసుకుంటుండటం వల్ల కూడా మన 'విలన్' నటులకి మంచి అవకాశాలు దక్కడం లేదు. ముఖేష్‌రుషి, మోహన్‌రాజ్, ఆనంద్‌రాజ్, సాయికుమార్ (మలయాళీ), సాయాజీ షిండే, ప్రదీప్ రావత్, రాహుల్‌దేవ్, ముకుల్‌దేవ్, దండపాణి వంటి పరభాషా విలన్లనే మన అగ్రహీరోలు కోరుకుంటున్నారు. ఈ పరిస్థితి మారాలి. పెద్ద హీరోలు మన వాళ్లలోని టాలెంటుని గుర్తించి అవకాశాలు ఇవ్వాలి. నిర్మాతలు కూడా ఈ విషయంలో ఒత్తిడికి లోంగిపోకూడదు. అలా జరిగితే మరికొందరు మంచి తెలుగు 'విలన్లు' తయారవుతారు. వాళ్లలో కొందరైనా చరిత్రలో స్థానం పొందగలిగే అవకాశం వుంటుంది. (అయిపోయింది)

Wednesday, October 6, 2010

సినిమా: 'అహ నా పెళ్లంట' అంటున్న నరేశ్

నరేశ్ కథానాయకుడిగా ఎ.కె. ఎంటర్‌టైన్‌మెంట్స్ పతాకంపై సుంకర రామబ్రహ్మం నిర్మిస్తున్న చిత్రానికి 'అహ నా పెళ్లంట' అనే టైటిల్ ఖరారు చేశారు. 'మ్యాచ్ ఫిక్సింగ్' అనేది ఉప శీర్షిక. శ్రీహరి ఓ కీలక పాత్ర చేస్తున్న ఈ చిత్రం ద్వారా నాయికగా రీతూ బర్మేచా, దర్శకునిగా వీరభద్రం పరిచయమవుతున్నారు.
హీరో నరేశ్ మాట్లాడుతూ "ఈ టైటిల్‌తో రాజేంద్రప్రసాద్‌గారు చేసినది సూపర్ డూపర్ హిట్ సినిమా కావడంతో ఆ టైటిల్ పెడుతున్నందుకు చాలా మంది భయపెట్టారు. కానీ ఈ సినిమా మీద పూర్తి నమ్మకం ఉంది. ఇందులో నాతో పాటు శ్రీహరి, బ్రహ్మానందం కూడా హీరోలే. రఘు కుంచే సంగీతం చాలా బాగా వచ్చింది'' అని తెలిపారు. సినిమా ఇప్పటికి ఓ పాట సహా యాభై శాతం పూర్తయిందనీ, నవంబరుతో షూటింగంతా అయిపోతుందనీ దర్శకుడు వీరభద్రం చెప్పారు.
సామ్రాట్, నాగినీడు, సుబ్బరాజు, రజిత, బ్రహ్మానందం, ఆహుతి ప్రసాద్, జయప్రకాశ్‌రెడ్డి, ఎమ్మెస్ నారాయణ, ధర్మవరపు సుబ్రహ్మణ్యం, హంసానందిని, అనిత, వెన్నెల కిశోర్, రంగనాథ్, గిరిధర్, పృథ్వీ, కృష్ణ భగవాన్ తారాగణమైన ఈ చిత్రానికి సంభాషణలు: శ్రీధర్, పాటలు: సినారె, రామజోగయ్యశాస్త్రి, భాస్కరభట్ల, సంగీతం: రఘు కుంచె, సినిమాటోగ్రఫీ: లోక్‌నాథ్, కూర్పు: వర్మ, కళ: నాగేంద్ర, ఫైట్స్: ప్రకాశ్, ఎగ్జిక్యూటివ్ ప్రొడ్యూసర్: గరికపాటి కిశోర్, కథ, స్క్రీన్‌ప్లే, దర్శకత్వం: వీరభద్రం.

Tuesday, September 14, 2010

సినిమా: విజయన్ కుమారుడి సినిమా బడ్జెట్ 12 కోట్లు


సీనియర్ ఫైట్ మాస్టర్ విజయన్ కుమారుడు శబరీష్ ఓ తెలుగు సినిమాతో హీరోగా పరిచయం కాబోతున్నాడు. దాన్ని విజయన్ స్వయంగా డైరెక్ట్ చేయబోతున్నాడు. బుధవారం (15న) ఈ సినిమా రామానాయుడు స్టూడియోస్ లో ప్రారంభం కాబోతోంది. విశేషమేమంటే ప్రారంభోత్సవానికి సూపర్ స్టార్లు మహేశ్, పవన్ కల్యాణ్ అతిథులుగా వస్తుండటం. విజయన్ మీదున్న గౌరవాభిమానాలతో అతని కొడుకు హీరోగా పరిచయం అవుతున్నందున విజయన్ అడగగానే రావడానికి వాళ్లు ఒప్పుకున్నారు.
కేవలం క్లాప్, కెమెరా స్విచ్చాన్ చేసి వెళ్లడం కాకుండా మీడియా సమావేశంలో పాల్గొని శబరీశ్ కి 'ఆల్ ద బెస్ట్' చెప్పనున్నారు. మార్షల్ ఆర్ట్స్ పధానంగా రూపొందే ఈ సినిమాలో యాక్షన్ హీరో శ్రీహరి ఓ కీలక పాత్ర చేస్తున్నాడు. విశాఖ టాకీస్ బ్యానరుపై 'మా అన్నయ్య బంగారం', 'భైరవ' సినిమాలు నిర్మించిన నట్టి కుమార్ ఈ సినిమాని నిర్మిస్తున్నారు. ఈ సినిమా బడ్జెట్ ఎంతో తెలుసా? 12 కోట్ల రూపాయలు. ఒక కొత్త హీరోపై, అదీ ఒక ఫైట్ మాస్టర్ కొడుకు పరిచయం అవుతున్న సినిమాపై ఇంత డబ్బు ఖర్చు చేయబోవడం పెద్ద సాహసమే. చూద్దాం ఏమవుతుందో..

Thursday, October 15, 2009

Disco Santhi



Disco Santhi has been performed for most songs in less time. She danced for more than 700 songs in a span of just 13 years. In childhood days her sorrowful experiences were unimaginable.
Anandan, her father, was a well known lead actor in Tamil in those days. He gained the name as 'Viyayapuri Veeran Anandan', since then his folklore movie 'Vijayapuri Veeran' got success. He acted as hero in some Telugu movies also. 'Mugguru Veerulu' was one of those movies, which he acted along with Kantha Rao. Likewise he did the film 'Adavi Veerulu'.
Actually ancestors of Anandan were belongs to Chittoor. They were Telugu people. Santhis's grand father settled in Chennai. So they grew as Tamilians. They are seven children to their parents. Four girls and three boys. She is the third child. Theirs's a rich family. They had three foreign cars. But Anandan lost money as a film producer with two films. They sold the foreign cars for existence. Only Ambassador was left. Anandan planned to make his third film even in this critical situation. He thought to shoot the film in Mysore, as to utilise the subsidy from the Karnataka State Govt.
Oneday he went to Mysore along with his wife and their youngest daughter. He didn't noticed the calamity to come. The car, which they were travelling, got accident. Anandan and his wife injured seviourly. His spinal cord from neck bone got damaged. Also his wife's spinal cord and right leg got ruined. His daughter survived with small injuries.
Somebody joined them into a private hospital in Bangalore. In that hospital, Anandan spent one and half years, and his wife Lakshmi, two years. What the fortune was, the doctors in the hospital were his fans. With big hearts, they have done the surgeries to Anandan and his wife to free of cost. Anandan's fans in Bangalore were bear the other expenses. Santhi and her three sisters only stayed at their house in Chennai, that two years. No ralative has come to their house in the chaotic situation. Dhanika, an Ayah, who was living in their outhouse, look after them. There was no income as they were all children. So they took money instead of giving the silver and copper things in the house, and passed those days. Even they sold their mother's silk sarees after those things were over. They ate food once in three days time in sometimes. Then Santhi was in third standard. She was sent from the school because of not pay the fee.
After discharge from the hospital, Anandan acted in stage plays with wig which covered the bandage on head. He sent the money to his daughters from Bangalore. Lakshmi came back to house after two long years, but she took another two years to walk. Santhi was no desire on films in those days. At first her elder sister got the chance to act from the ace director K. Balachander as heroine. But she didn't utilize the opportunity as she was in love with a guy, who was working in telephone department and got married him. In that time Santhi's photographs published on the cover page of 'Gemini Cinema', a film magazine, which was picturised by the photographer Hareesh. A producer from Malayalam, father of the actor Riyaz Khan, saw the photograph and liked her. He take her as female lead opposite superstar Mohanlal in the the film 'Lal in America'. Unfortunately the movie was washed out after 35 days shoot. Then she done as a dancer in a club song for a Tamil film. Since then she has done 700 films as a dancer in a span of just 13 years. She got the name as 'Disco Santhi' with the disco songs. She did films in Telugu, Tamil, Kannada, Malayala, Hindi and Oriya. She did 80 films in Hindi while more than 200 films in Telugu. She became close to the audience by 'Rowdy Alludu' and 'Gharana Mogudu', the Chiranjeevi's films. The song 'Bangaru Kodipetta' in 'Gharana Mogudu' got craze till today.
Santhi and Srihari were worked together in 'Dadar Express', first time. Srihari was one of the five villains. Srihari proposed her, when she was in Rajahmundry for the shoot of '420', the Nagababu starrer. Her mother and his parents given green signal to theri marriage. But they got married after six years of Srihari's proposal. In meantime she did the marriage of her younger sister to actor Prakash Raj. And bought flats for her brothers. Then after she got married Srihari and put fullstop to dances. She given birth to two sons Sashank and Meghansh.
Santhi did as heroine roles also. She acted as a heroine along with Jayasudha in 'Vinta Kodallu'. She was the female lead in a bollywood movie 'Jehar'. She and Srihari established Akshara Foundation, named after their dead daughter, and started service to the society.