Showing posts with label rajinikanth. Show all posts
Showing posts with label rajinikanth. Show all posts
Thursday, November 5, 2015
Thursday, July 10, 2014
Sunday, June 8, 2014
Friday, June 8, 2012
కేఎస్ఆర్ దాస్ కన్నుమూత
సీనియర్ డైరెక్టర్ కె.ఎస్.ఆర్. దాస్ కన్నుమూశారు. అనారోగ్యం కారణంగా కొద్ది రోజులుగా చెన్నైలోని అపోలో ఆస్పత్రిలో చికిత్స పొందుతూ శుక్రవారం రాత్రి (జూన్ 8) తుదిశ్వాస విడిచారు. ఆయన 1936 జనవరి 5న నెల్లూరు జిల్లా వెంకటగిరిలో జన్మించారు. 1966లో 'లోగుట్టు పెరుమాళ్లకెరుక' సినిమాతో దర్శకుడిగా పరిచయమయ్యారు. సూపర్ స్టార్ కృష్ణతో అత్యధికంగా 30 పైగా సినిమాలకు దర్శకత్వం వహించారు. 'మోసగాళ్లకు మోసగాడు' సినిమా ఆయనకు అమితమైన కీర్తి ప్రతిష్టలు తెచ్చింది. తెలుగులో యాక్షన్ సినిమాల ఒరవడికి ఆయనే ఆద్యుడిగా నిలిచారు. ఎన్టీఆర్, శోభన్బాబు, చిరంజీవి, కృష్ణంరాజు, మోహన్బాబు, రజనీకాంత్ వంటి హేమాహేమీలను డైరెక్ట్ చేశారు.
Saturday, June 2, 2012
'గబ్బర్సింగ్'పై రజనీకాంత్ ప్రశంసలు
విడుదలైన అన్ని చోట్లా సూపర్హిట్గా నిలిచిన 'గబ్బర్సింగ్' సినిమాని పర్ఫెక్ట్ మాస్ ఎంటర్టైనర్గా దక్షిణాది సూపర్స్టార్ రజనీకాంత్ అభివర్ణించారు. పవన్కళ్యాణ్ 'గబ్బర్సింగ్'గా అదరగొట్టేశాడని రజనీ ప్రశంసించారు. గత బుధవారం లోకల్ డిస్ట్రిబ్యూటర్ తరపున చెన్నయ్లో ఏర్పాటుచేసిన ప్రత్యేక ప్రదర్శనలో రజనీకాంత్ తన కుటుంబ సభ్యులతో సహా 'గబ్బర్సింగ్' చిత్రాన్ని వీక్షించారు. సినిమా ఆద్యంతం రజనీ బాగా ఎంజాయ్చేశారట. సినిమా ముగిసిన అనంతరం పవన్కళ్యాణ్కి ప్రత్యేకంగా ఫోన్చేసి అభినందించినట్లు తెలిసింది. కాగా, 'గబ్బర్సింగ్' ఆంధ్రాలో మాత్రమే కాకుండా, తమిళనాడులో కూడా హిట్ చిత్రంగా నిలిచింది.
Saturday, October 1, 2011
న్యూస్: ఆల్టైం రికార్డ్ దిశగా 'దూకుడు'
టాలీవుడ్ చరిత్రలో ఆల్టైం రికార్డ్ దిశగా మహేశ్-శ్రీను వైట్ల సినిమా 'దూకుడు' దూసుకుపోతోంది. తొలివారం కనీ వినీ ఎరుగని రీతిలో రూ. 50.07 కోట్ల గ్రాస్, రూ. 35.01 కోట్ల షేర్ సాధించి దక్షిణ భారత రికార్డుని సాధించింది. ఈ విషయంలో రజినీకాంత్ 'రోబో'ని సైతం అది అధిగమించడం విశేషం. తొలివారం కలెక్షన్ల విషయంలో 80 సంవత్సరాల తెలుగు సినీ చరిత్రని 'దూకుడు' తిరగరాసిందని ఆ చిత్ర నిర్మాతలు రాం ఆచంట, గోపీచంద్ ఆచంట, అనిల్ సుంకర తెలిపారు. విడుదలైన ప్రతి ఏరియాలోనూ 'దూకుడు' సినిమా ఆల్టైం రికార్డ్ సృష్టించిందని వారు చెప్పారు. నైజాం ఏరియాలో తొలివారం 'దూకుడు' 12.51 కోట్ల గ్రాస్, 8.52 కోట్ల షేర్ సాధించి ట్రేడ్ పండితుల్ని నివ్వెరపోయేట్లు చేసింది. ప్రస్తుతం తెలంగాణలో నెలకొన్న అనిశ్చిత పరిస్థితుల్లోనూ ఈ సినిమా ఇలాంటి ఫీట్ సాధించడం అద్భుతమనే చెప్పాలి. అన్నిటికంటే ముఖ్యంగా అమెరికాలో 5 కోట్ల రూపాయలకు పైగా షేర్ సాధించడం అపూర్వం. అందుకే అక్కడి లాస్ ఏంజిల్స్ టైమ్స్, వెరైటీ లాంటి ప్రఖ్యాత పత్రికలు సైతం 'దూకుడు' విజయంపై ప్రత్యేక కథనాలు రాశాయి. మునుముందు ఈ సినిమా ఎన్ని రికార్డులు సాధిస్తుందోనని అందరూ ఆసక్తిగా ఎదురు చూస్తున్నారు. ఈ ఏడాది ఇప్పటివరకు చిన్న చిన్న హిట్లతోనే సరిపెట్టుకుంటూ వచ్చిన టాలీవుడ్కి ఇదే తొలి అతి పెద్ద విజయం కావడం గమనార్హం.
Monday, August 15, 2011
న్యూస్: తమిళ హీరోల బాటలో...
రజనీకాంత్, కమల్ హాసన్ తెలుగు ప్రేక్షకుల హృదయాల్లో సుస్థిర స్థానం పొందాక తర్వాతి తరం నటులైన విక్రం, సూర్య, విశాల్, కార్తీ, ఇప్పుడు జీవా వంటివాళ్లు సైతం తెలుగునాట అనూహ్యమైన మార్కెట్ని సంపాదించారు. ఇప్పుడు వాళ్ల సినిమాలు తెలుగు మార్కెట్ని కూడా దృష్టిలో పెట్టుకుని తయారవుతున్నాయి. ఇది చూసి తాము కూడా టాలీవుడ్లో పాగా వెయ్యాలనే ఆలోచన కన్నడ హీరోలకు కలిగింది. అయితే ఇప్పటివరకు ఏ కన్నడ హీరో కూడా తెలుగులో మార్కెట్ సంపాదించలేక పోయాడు. నిన్నటికి నిన్న కన్నడ కంఠీరవ దివంగత రాజ్కుమార్ చిన్న కొడుకు పునీత్ రాజ్కుమార్ 'జాకీ'గా తెలుగు ప్రేక్షకుల మధ్యకు వచ్చాడు. అయితే మనవాళ్లు అతన్నేమాత్రమూ పట్టించుకోలేదు. విశేషమేమంటే 'జాకీ' సినిమాని పునీత్ కుటుంబమే స్వయంగా తెలుగులో విడుదల చేసింది. దాన్నిబట్టే పునీత్ని తెలుగువాళ్ల చేత ఆమోదింపజేయడానికి వాళ్లు గట్టిగా ప్రయత్నించారని అర్థమవుతుంది. అలాగే ఇటీవలే రాజ్ అనే నటుడు 'తిరుగుబోతు' పేరుతో తన జాతకాన్ని పరీక్షించుకున్నాడు. విలన్ పాత్రలతో కన్నడ ప్రేక్షకుల్ని ఓ మోస్తరుగా మెప్పించిన అతను హీరోగా 'సంచారి' అనే సినిమా చేసి హిట్కొట్టాడు. అదే సినిమాని తెలుగులో తనే స్వయంగా 'తిరుగుబోతు'గా తెచ్చాడు. ఇందుకోసం అతను మరో కన్నడ సినిమా ఏదీ చేయకుండా హైదరాబాద్లోనే ఎక్కువ సమయం వెచ్చించాడు. గమనించాల్సిందేమంటే 'తిరుగుబోతు' హిట్టు కాకపోయినా 'జాకీ' కంటే బెటర్గా ఆడింది. అంతేకాదు.. ఈ సినిమా పాటలు ఓ మోస్తరుగానైనా ఆదరణ పొందాయి. రాజ్ ఇప్పుడు స్ట్రెయిట్ తెలుగు సినిమాలో నటించేందుకు యత్నిస్తున్నాడు. ఇప్పటికే పూరి జగన్నాథ్ శిష్యుడు నాగిరెడ్డి డైరెక్షన్లో నటించేందుకు అంగీకారం తెలిపాడు. త్వరలోనే ఈ సినిమా సెట్స్ మీదకు వెళ్లే అవకాశాలు కనిపిస్తున్నాయి. తెలుగు సినిమాలన్నా, తెలుగు హీరోలన్నా విపరీతమైన అభిమానం కనపరిచే రాజ్ తెలుగులో రాణిస్తాడా?
Wednesday, August 3, 2011
న్యూస్: 'నాన్న' ఓడాడు.. 'కాంచన' గెలిచింది!
తెలుగు బాక్సాఫీసు వద్ద తలపడ్డ రెండు డబ్బింగ్ సినిమాల్లో 'కాంచన' గెలవగా, 'నాన్న' ఓటమి పాలయ్యాడు. మానసిక వికలాంగుడిగా విక్రం గొప్పగా నటించిన 'నాన్న'కి విమర్శకుల నుంచి అభినందనలు వెల్లువెత్తాయి. ఇంకా చెప్పాలంటే 'నాన్న' కూతురిగా నటించిన బేబీ సారాకి మరింత పేరు వచ్చింది. కానీ బాక్సాఫీసు వద్ద ఈ ప్రశంసలేవీ పనిచేయలేదు. మళ్ల విజయప్రసాద్, సురేశ్ కొండేటి సంయుక్తంగా ఈ చిత్రాన్ని తెలుగులో విడుదల చేశారు. ఈ సినిమా హక్కుల్ని వారు రూ. 4 కోట్లకు కొనుగోలు చేశారు. అందులో ఒప్పందం ప్రకారం విజయప్రసాద్కు రూ. 1.4 కోట్లు శాటిలైట్ హక్కుల రూపంలో అందాయి. మరోవైపు వెస్ట్ గోదావరిలో 'నాన్న'ని సొంతంగా రిలీజ్ చేసిన సురేశ్ మిగతా అన్ని ఏరియాలకు సినిమాని అమ్మేశాడు. అందువల్ల అతను సేఫ్. నష్టమంతా విజయప్రసాద్ మీదే పడిందనేది సమాచారం. మరోవైపు లారెన్స్, శరత్కుమార్ ఇద్దరూ కలిసి నటించిన 'కాంచన' టాలీవుడ్ బాక్సాఫీస్పై విజయ బావుటా ఎగురవేసింది. హిజ్రాలూ అందరులాగే మనుషులేననే విషయాన్ని హారర్, కామెడీ మేలవింపుతో డైరెక్టర్ లారెన్స్ చెప్పిన తీరు అటు తమిళ, ఇటు తెలుగు ప్రేక్షకులనిద్దర్నీ మెప్పించింది. అందుకే ఈ సినిమాని తెలుగులో రిలీజ్ చేసిన బెల్లంకొండ సురేశ్ మంచి లాభాలు ఆర్జించాడు. ఆయన ప్రకారం ఇప్పటికే తెలుగు 'కాంచన' రజనీకాంత్ సూపర్హిట్ సినిమా 'చంద్రముఖి' కలెక్షన్లని అధిగమించింది. అలాగే రజనీ బిగ్గెస్ట్ తెలుగు ఫిల్మ్ 'శివాజీ'ని సైతం కొన్ని సెంటర్లలో అధిగమించింది. అందులో నిజమెంతున్నా గానీ 'కాంచన' పెద్ద హిట్టయ్యిందనే విషయంలో సందేహం లేదు. నిన్న 'రంగం', నేడు 'కాంచన' హిట్లతో డబ్బింగ్ సినిమాలే తెలుగు నేలమీద రాజ్యం చేస్తున్నట్లయ్యింది. దీన్ని ఓ గుణపాఠంగా తీసుకుని మనవాళ్లు ఇకనైనా క్వాలిటీ సినిమాలు తీయాల్సిన అవసరముంది.
Tuesday, May 17, 2011
ఫోకస్: రజనీకాంత్ 'రాణా' వెలుగు చూస్తుందా?
ఇప్పుడు అందరి చూపూ రజనీకాంత్ సినిమా 'రాణా' మీదే. ఆ సినిమా అసలు షూటింగ్ జరుపుకుంటుందా? లేక ఆగిపోతుందా? అనే ప్రశ్నలు అందరి మనసుల్నీ తొలుస్తున్నాయి. ఏప్రిల్లో ఈ మెగా బడ్జెట్ సినిమా సెట్స్ మీదకెళ్లింది. హీరోయిన్లుగా దీపికా పదుకోనే, ఇలియానా ఎంపికయ్యారు. నెల రోజుల వ్యవధిలో రజనీకాంత్ మూడు సార్లు హాస్పిటల్ పాలవడంతో సినిమా షెడ్యూలంతా డిస్టర్బయ్యింది. వాంతుల కారణంగా ఏప్రిల్ 29న ఆయన చెన్నైలోని సెయింట్ ఇసాబెల్ హాస్పిటల్లో చేరి, అదే రోజు సాయంత్రం డిశ్చార్జయ్యారు.
తిరిగి మే 4న జ్వరం, శ్వాసకోశ ఇబ్బందులతో అదే హాస్పిటల్లోని ఐసీయూలో చేరారు. నెల రోజుల పాటు పూర్తి విశ్రాంతి తీసుకోవాల్సిందిగా డాక్టర్లు ఆయనకు సూచించారు. దీంతో నిర్మాణ సంస్థ ఈరోస్ ఎంటర్టైన్మెంట్ ఇబ్బందుల్లో చిక్కుకుంది.
మరోవైపు హీరోయిన్లు దీపిక, ఇలియానా కాల్షీట్లు ఇరకాటంలో పడ్డాయి. ఈ నెలలో కొన్ని కాల్షీట్లు ఇచ్చిన దీపిక జూన్-జూలైలోనూ మరికొన్ని కాల్షీట్లు ఇచ్చింది. ఈలోగా రజనీకాంత్ కోలుకుని మళ్లీ షూటింగ్కి హాజరైతే ఓకే. లేదంటే ఏంచేయాలోనని అంతా తలల పట్టుకుంటున్నారు. మరోవైపు 'రాణా' షూటింగ్ యధాతథంగా జరుగుతుందని డైరెక్టర్ కేయస్ రవికుమార్ చెబుతున్నాడు. 'రాణా' టైటిల్ మార్పు కోసం ఆయన న్యూమరాలజిస్టుల్ని సంప్రదించాడు. థాయిలాండ్, లండన్లలో షూటింగ్ కోసం ఆయన షెడ్యూల్స్ వేయడంలో మునిగిపోయాడు.
ఈ సినిమా కోసం ఈరోజ్ సంస్థ 150 కోట్లని కేటాయించింది. ప్రస్తుత పరిస్థితుల్లో ఈ సినిమా ఆగితే ఏంచెయ్యాలనేది దాని ముందున్న సవాలు. మరి 'రాణా' ముందుకు కదులుతాడా? రజనీకాంత్ కోలుకుని ఎప్పడు షూటింగులో పాల్గొంటాడో...
తిరిగి మే 4న జ్వరం, శ్వాసకోశ ఇబ్బందులతో అదే హాస్పిటల్లోని ఐసీయూలో చేరారు. నెల రోజుల పాటు పూర్తి విశ్రాంతి తీసుకోవాల్సిందిగా డాక్టర్లు ఆయనకు సూచించారు. దీంతో నిర్మాణ సంస్థ ఈరోస్ ఎంటర్టైన్మెంట్ ఇబ్బందుల్లో చిక్కుకుంది.
మరోవైపు హీరోయిన్లు దీపిక, ఇలియానా కాల్షీట్లు ఇరకాటంలో పడ్డాయి. ఈ నెలలో కొన్ని కాల్షీట్లు ఇచ్చిన దీపిక జూన్-జూలైలోనూ మరికొన్ని కాల్షీట్లు ఇచ్చింది. ఈలోగా రజనీకాంత్ కోలుకుని మళ్లీ షూటింగ్కి హాజరైతే ఓకే. లేదంటే ఏంచేయాలోనని అంతా తలల పట్టుకుంటున్నారు. మరోవైపు 'రాణా' షూటింగ్ యధాతథంగా జరుగుతుందని డైరెక్టర్ కేయస్ రవికుమార్ చెబుతున్నాడు. 'రాణా' టైటిల్ మార్పు కోసం ఆయన న్యూమరాలజిస్టుల్ని సంప్రదించాడు. థాయిలాండ్, లండన్లలో షూటింగ్ కోసం ఆయన షెడ్యూల్స్ వేయడంలో మునిగిపోయాడు.
ఈ సినిమా కోసం ఈరోజ్ సంస్థ 150 కోట్లని కేటాయించింది. ప్రస్తుత పరిస్థితుల్లో ఈ సినిమా ఆగితే ఏంచెయ్యాలనేది దాని ముందున్న సవాలు. మరి 'రాణా' ముందుకు కదులుతాడా? రజనీకాంత్ కోలుకుని ఎప్పడు షూటింగులో పాల్గొంటాడో...
Thursday, October 28, 2010
సినిమా: మూడు క్రేజీ సినిమాలు - ఒక వాస్తవం (1వ భాగం)
ఒక డబ్బింగ్ సినిమా ఒకవైపు.. మూడు భారీ, క్రేజీ తెలుగు సినిమాలు ఇంకోవైపు.. మామూలుగా అయితే డబ్బింగ్ సినిమా మట్టికరచి మాయం కావాలి. చిత్రం.. సీను రివర్స్. తెలుగులో అగ్ర కథానాయకులు నటించిన సినిమాల్నే వెనక్కి నెట్టేస్తూ ఆ డబ్బింగ్ సినిమా అప్రతిహతంగా బాక్సాఫీసును దున్నేస్తోంది. తెలుగు ప్రేక్షకులకి వినోదపు మజాని రుచి చూపిస్తూ నాణ్యమైన సినిమాకే వాళ్లు పట్టం కడతారనే నిజాన్ని చాటి చెబుతోంది. ఆ డబ్బింగ్ సినిమా 'రోబో'. ఆ భారీ, క్రేజీ సినిమాలు 'పులి', 'మహేశ్ ఖలేజా', 'బృందావనం'. తమిళ అగ్ర కథానాయకుడైన రజనీకాంత్ టాలీవుడ్ టాప్ హీరోల్ని పడగొట్టి బాక్సాఫీసు మీద గుత్తాధిపత్యం చలాయిస్తుండటం ఆషామాషీ సంగతి కాదు. టాలీవుడ్ వర్గాలు చాలా చాలా సీరియస్ గా తీసుకోవాల్సిన సంగతి.
ఎందుకిలా జరిగింది? మొదటే హీరోని దృష్టిలో పెట్టుకుని కథలు వండటం తెలుగు దర్శకులు, రచయితలకి బాగా అలవాటైన పనయితే, స్క్రిప్టు మీదే ఎక్కువ దృష్టిపెట్టి, ఆ స్క్రిప్టుకి పనికొచ్చే నటుణ్ణి వెతుక్కోవడం తమిళ దర్శకుడైన శంకర్ కి తెలిసిన పని. 'రోబో' గురించీ, ఆ సినిమా ఆంధ్రప్రదేశ్ బాక్సాఫీస్ మీద చేస్తున్న సందడి గురించీ ఇదివరకే చెప్పుకున్నాం. ఇప్పుడు ఆ సినిమా స్థాయిలో మన మూడు తెలుగు స్ట్రెయిట్ సినిమాలు ఎందుకని ప్రేక్షకుల్ని అలరించలేక పోతున్నాయో విశ్లేషించుకోవాల్సిన సందర్భం.
తోకముడిచిన 'పులి'
'రోబో' కంటే మూడు వారాల ముందు విడుదలైన పవన్ కల్యాణ్ సినిమా 'పులి' (కొమరం పులి)ని ప్రపంచవ్యాప్తంగా అత్యంత భారీ స్థాయిలో వెయ్యి ప్రింట్లతో విడుదల చేశారు. అందుకే తొలివారం ఆ సినిమా 25 కోట్ల రూపాయల్ని వసూలు చేసింది. నిజానికి అందులో ముప్పాతిక వంతు తొలి మూడు రోజుల్లోనే రావడం గమనార్హం. ఆ తర్వాత నుంచే ఆ సినిమాకి వచ్చే వాళ్లు కనుచూపు మేరలో కనిపించకుండా పోయారు. ఆ 'ఘనత'ని మొత్తంగా దర్శకుడు ఎస్.జె. సూర్యకే ఆపాదించారు. ప్రేక్షకుల్ని కుర్చీల్లోంచి లేవకుండా కూర్చోపెట్టాలంటే వినోదమన్నా వుండాలి, ఉత్కంఠభరితమైన కథనమన్నా వుండాలి. ఆ రెండూ లేకపోవడమే 'పులి' పరాజయానికి ప్రధాన కారణమనేది విమర్శకుల అభిప్రాయం. పులి పాత్ర చేత పదే పదే 'ప్రసంగాలు' ఇప్పించడం సినిమాకి పెద్ద మైనస్ పాయింట్. జనం సినిమాకి వచ్చేది ప్రధానంగా వినోదం కోసమేననే, సినిమాలోని ప్రధాన పాత్రలతో వాళ్లు సహానుభూతి చేందితేనే సినిమా ఆడుతుందనే ప్రాథమిక సత్యం తెలియకుండా తీసిన సినిమాగా 'పులి'ని చెప్పుకోవాలి. ఆరంభ సన్నివేశాల్లోనే పులి ఆవేశంగా ఐదు నిమిషాల సేపు జనానికి ఉపదేశించే రీతిలో ప్రసంగించడం చూసి బిత్తరపోయిన ప్రేక్షకులు, ఆ తర్వాత మరో మూడు నాలుగు సార్లు అలాంటి సీనులే ఎదురవడంతో కుర్చీల్లో ఎంత ఇబ్బందికరంగా మసిలారో 'పులి'ని చూసిన వాళ్లందరికీ అనుభవమే. నీతిబోధకుడు చెప్పే రీతిలో పవన్ కల్యాణ్ చెప్పిన నీతులు ప్రేక్షకుల్ని కదిలించాయి. ఎలా? కుర్చీల్లో అసహనంగా, చికాకుగా. రాజకీయ వేదికలపై చెప్పే ఆవేశభరిత, ఊకదంపుడు ఉపన్యాసాల్ని వినీ వినీ డంగైపోయిన జనం సినిమాలోనూ అలాంటి సీనే కనిపించడంతో మూకుమ్మడిగా 'పులి'కి వ్యతిరేకంగా ఓటేశారు. ఫలితంగా ఆ సినిమాపై పెట్టుబడి పెట్టిన నిర్మాత, బయ్యర్లు నిలువునా మునిగిపోయారు. తొలివారం భారీ కలెక్షన్లు సాధించిన ఆ సినిమా రెండో వారం సగానికంటే ఎక్కువ సంఖ్య థియేటర్లలో మాయమయ్యింది. మొత్తంగా ఈ ఏడాది ఇప్పటివరకు రిలీజైన సినిమాల్లో నెంబర్ వన్ డిజాస్టర్ అనే ముద్రని సంపాదించుకుంది. (ఇంకావుంది)
ఎందుకిలా జరిగింది? మొదటే హీరోని దృష్టిలో పెట్టుకుని కథలు వండటం తెలుగు దర్శకులు, రచయితలకి బాగా అలవాటైన పనయితే, స్క్రిప్టు మీదే ఎక్కువ దృష్టిపెట్టి, ఆ స్క్రిప్టుకి పనికొచ్చే నటుణ్ణి వెతుక్కోవడం తమిళ దర్శకుడైన శంకర్ కి తెలిసిన పని. 'రోబో' గురించీ, ఆ సినిమా ఆంధ్రప్రదేశ్ బాక్సాఫీస్ మీద చేస్తున్న సందడి గురించీ ఇదివరకే చెప్పుకున్నాం. ఇప్పుడు ఆ సినిమా స్థాయిలో మన మూడు తెలుగు స్ట్రెయిట్ సినిమాలు ఎందుకని ప్రేక్షకుల్ని అలరించలేక పోతున్నాయో విశ్లేషించుకోవాల్సిన సందర్భం.
తోకముడిచిన 'పులి'
'రోబో' కంటే మూడు వారాల ముందు విడుదలైన పవన్ కల్యాణ్ సినిమా 'పులి' (కొమరం పులి)ని ప్రపంచవ్యాప్తంగా అత్యంత భారీ స్థాయిలో వెయ్యి ప్రింట్లతో విడుదల చేశారు. అందుకే తొలివారం ఆ సినిమా 25 కోట్ల రూపాయల్ని వసూలు చేసింది. నిజానికి అందులో ముప్పాతిక వంతు తొలి మూడు రోజుల్లోనే రావడం గమనార్హం. ఆ తర్వాత నుంచే ఆ సినిమాకి వచ్చే వాళ్లు కనుచూపు మేరలో కనిపించకుండా పోయారు. ఆ 'ఘనత'ని మొత్తంగా దర్శకుడు ఎస్.జె. సూర్యకే ఆపాదించారు. ప్రేక్షకుల్ని కుర్చీల్లోంచి లేవకుండా కూర్చోపెట్టాలంటే వినోదమన్నా వుండాలి, ఉత్కంఠభరితమైన కథనమన్నా వుండాలి. ఆ రెండూ లేకపోవడమే 'పులి' పరాజయానికి ప్రధాన కారణమనేది విమర్శకుల అభిప్రాయం. పులి పాత్ర చేత పదే పదే 'ప్రసంగాలు' ఇప్పించడం సినిమాకి పెద్ద మైనస్ పాయింట్. జనం సినిమాకి వచ్చేది ప్రధానంగా వినోదం కోసమేననే, సినిమాలోని ప్రధాన పాత్రలతో వాళ్లు సహానుభూతి చేందితేనే సినిమా ఆడుతుందనే ప్రాథమిక సత్యం తెలియకుండా తీసిన సినిమాగా 'పులి'ని చెప్పుకోవాలి. ఆరంభ సన్నివేశాల్లోనే పులి ఆవేశంగా ఐదు నిమిషాల సేపు జనానికి ఉపదేశించే రీతిలో ప్రసంగించడం చూసి బిత్తరపోయిన ప్రేక్షకులు, ఆ తర్వాత మరో మూడు నాలుగు సార్లు అలాంటి సీనులే ఎదురవడంతో కుర్చీల్లో ఎంత ఇబ్బందికరంగా మసిలారో 'పులి'ని చూసిన వాళ్లందరికీ అనుభవమే. నీతిబోధకుడు చెప్పే రీతిలో పవన్ కల్యాణ్ చెప్పిన నీతులు ప్రేక్షకుల్ని కదిలించాయి. ఎలా? కుర్చీల్లో అసహనంగా, చికాకుగా. రాజకీయ వేదికలపై చెప్పే ఆవేశభరిత, ఊకదంపుడు ఉపన్యాసాల్ని వినీ వినీ డంగైపోయిన జనం సినిమాలోనూ అలాంటి సీనే కనిపించడంతో మూకుమ్మడిగా 'పులి'కి వ్యతిరేకంగా ఓటేశారు. ఫలితంగా ఆ సినిమాపై పెట్టుబడి పెట్టిన నిర్మాత, బయ్యర్లు నిలువునా మునిగిపోయారు. తొలివారం భారీ కలెక్షన్లు సాధించిన ఆ సినిమా రెండో వారం సగానికంటే ఎక్కువ సంఖ్య థియేటర్లలో మాయమయ్యింది. మొత్తంగా ఈ ఏడాది ఇప్పటివరకు రిలీజైన సినిమాల్లో నెంబర్ వన్ డిజాస్టర్ అనే ముద్రని సంపాదించుకుంది. (ఇంకావుంది)
Friday, October 8, 2010
సినిమా: రజనీ - ద గ్లోబల్ స్టార్!
నిన్నటిదాకా దక్షిణాది సూపర్ స్టారుగా వెలుగొందిన రజనీకాంత్ ఇప్పుడు ఏకంగా గ్లోబల్ స్టార్ అయిపోయాడు. ఇది ఆషామాషీగా చెబుతున్న సంగతి కాదు. సంచలనాల 'రోబో' సాక్షిగా వెల్లడైన నిఖార్సయిన నిజం. ఇది ఒక భారతీయ నటుడు - అదీ ఒక దక్షిణ భారత దేశానికి చెందిన ఓ ప్రాంతీయ నటుడు - సాధించిన అపూర్వ, అపురూప విజయం. తమిళ చిత్ర రంగానికి చెందిన ఓ నటుడి సినిమాకి 180 కోట్ల రూపాయలు ఖర్చు పెట్టడం ఏమిటి! ఆ సినిమా ప్రపంచవ్యాప్తంగా మూడంటే మూడు రోజుల్లో 95 కోట్ల రూపాయల్ని వసూలు చేయడం ఏమిటి!! ఇది అద్భుతం కాక మరేమిటి!!!
బాక్సాఫీసు రికార్డులు పాదాక్రాంతం
భారతీయ సినిమాకి సంబంధించి 'రోబో' ఎన్నో సరికొత్త రికార్డుల్ని లిఖిస్తోంది. భవిష్యత్తులో మరెన్నింటినో లిఖించబోతోంది. ఇప్పటిదాకా దేశంలో అత్యంత వ్యయభరిత చిత్రం 'రోబో'నే. మునుపటి రికార్డు 120 కోట్ల రూపాయల వ్యయమైన హృతిక్ రోషన్ సినిమా 'కైట్స్' పేరుతో ఉంది. అలాగే మూడు భారతీయ భాషల్లో (తమిళ, తెలుగు, హిందీ) ప్రపంచవ్యాప్తంగా రెండు వేలకు పైగా ప్రింట్లతో విడుదలైన సినిమా కూడా 'రోబో'నే. అక్టోబర్ 1న విడుదలైన ఈ సైన్స్ ఫిక్షన్ ఫాంటసీ సినిమా ఇటీవలే సల్మాన్ ఖాన్ సినిమా 'దబాంగ్' నెలకొల్పిన తొలి మూడు రోజుల వసూళ్ల రికార్డుని ఏకంగా రెట్టింపు వసూళ్లతో బద్దలు కొట్టడం గొప్ప విశేషం. విడుదలైన తొలి మూడు రోజుల్లో 'దబాంగ్' 49 కోట్ల రూపాయల్ని ఆర్జించి రికార్డు నెలకొల్పింది. ఇప్పుడు ఆ రికార్డుని భారీ వ్యత్యాసంతో బద్దలు కొట్టాడు 'రోబో.
బాలీవుడ్ ట్రేడ్ విశ్లేషకుడు కోమల్ నహతా చెప్పిన లెక్కల ప్రకారం 'రోబో' సాధించిన మూడు రోజుల వసూళ్లు 95 కోట్ల రూపాయలు. ఆయన అంచనా ప్రకారం ఆ సినిమా రానున్న రోజుల్లో మరో 125 కోట్ల రూపాయల్ని ఆర్జించనున్నది. అయితే మనదేశంలో కచ్చితమైన బాక్సాఫీసు ఫలితాలు బహిర్గతం కావడం కష్టం. ఒక విశ్లేషణకీ, మరో విశ్లేషణకీ వ్యత్యాసాలు సాధారణం. ఉదాహరణకి స్వతంత్ర పారిశ్రామిక వెబ్ సైట్ అయిన బాక్సాఫీస్ ఇండియా డాట్ కామ్ అంచనాల ప్రకారం తొలి వారాంతంలో 'రోబో' వసూలు చేసిన మొత్తం 57 కోట్ల రూపాయలే. అయినప్పటికీ ఇది కూడా కొత్త రికార్డే కావడం గమనార్హం. మనదేశం బయట అమెరికా, మలేషియా, జపాన్ లలో వీర విహారం చేస్తున్న ఈ సినిమా కొత్తగా స్వీడన్ లోనూ బ్రహ్మాండంగా ఆడుతుండటం రజనీ సినిమాల మార్కెట్ విస్తృతికి ఒక చక్కని నిదర్శనం. రజనీ చేసిన ఈ మ్యాజిక్ తో దక్షిణాది నటులే కాదు, దేశంలో తామే అగ్రగణ్యులమని విర్రవీగే బాలీవుడ్ సూపర్ స్టార్లు సైతం ముక్కు మీద వేలేసుకుని విస్తుపోతున్నారు. వృద్ధాప్యమనదగ్గ అరవై ఏళ్ల వయసులో అందం చందం కూడా లేని నటుడికి ఇదెలా సాధ్యమని వాళ్లు తలలు బద్దలు కొట్టుకుంటున్నారు. ఒక నటుడికీ, దేవుడికీ ఉన్న వ్యత్యాసాన్ని సైతం చెరిపేసిన రజనీని చూసి దిగ్భాంతి చెందుతున్నారు. అదీ రజనీ మాయ! తమిళనాడులో నిన్నటిదాకా బాక్సాఫీసు కొలబద్ద రజనీయే నటించిన 'శివాజి'. ఇప్పుడు తన రికార్డుల్ని తానే బద్దలు కొట్టుకుంటూ 'రోబో'గా సరికొత్త 'బెంచ్ మార్క్'ని నెలకొల్పబోతున్నాడు.
సరే - తమిళనాడులో ఆయనే నెంబర్ వన్ హీరో. మరి తెలుగు సంగతేమిటి? కనీ వినీ ఎరుగని రీతిలో 27 కోట్ల రూపాయలకు అమ్ముడుపోయిన తెలుగు 'రోబో'కి ఈ కలెక్షన్ల తుఫానేమిటి! తెలుగు చలన చిత్ర చరిత్రలోనే ఎన్నడూ ఎరుగని రీతిలో ఒక డబ్బింగ్ సినిమా హైదరాబాదులో 72 స్క్రీన్లలో విడుదలవడం, అన్ని థియేటర్లూ మూడు రోజుల పాటు ఫుల్స్ కావడం మామూలు విశేషం కాదు. దానికి ముందు పవన్ కల్యాణ్ 'పులి' కానీ', దాని తర్వాత 'మహేశ్ ఖలేజా' కానీ అన్నేసి థియేటర్లలో విడుదల కాకపోవడం, రెండూ చాప చుట్టేయడం ఇక్కడ ప్రస్తావనార్హం. ఇప్పుడు చెప్పండి. తెలుగులో సూపర్ స్టార్ ఎవరు? ఏదేమైనా రజనీకాంత్ కీర్తి కిరీటంలో మరో కలికితురాయి చేరింది. దర్శకుడిగా తననెందుకు అగ్రశ్రేణిలో పరిగణిస్తారో 'రోబో'తో మరోసారి నిరూపించుకున్నాడు శంకర్. సాంకేతికంగా భారతీయ సినిమా ఎంత ఎత్తుకు ఎదిగిందో 'రోబో'తో అతను తెలియజేశాడు. ఇప్పుడు 'రోబో'ని ఎందుకు వదులుకున్నానా అని షారుఖ్ ఖాన్ బాధపడుతూ ఉంటాడు. శంకర్ ని తక్కువగా అంచనా వేసినందుకు తనని తాను తిట్టుకుంటూ ఉంటాడు.
బాక్సాఫీసు రికార్డులు పాదాక్రాంతం
భారతీయ సినిమాకి సంబంధించి 'రోబో' ఎన్నో సరికొత్త రికార్డుల్ని లిఖిస్తోంది. భవిష్యత్తులో మరెన్నింటినో లిఖించబోతోంది. ఇప్పటిదాకా దేశంలో అత్యంత వ్యయభరిత చిత్రం 'రోబో'నే. మునుపటి రికార్డు 120 కోట్ల రూపాయల వ్యయమైన హృతిక్ రోషన్ సినిమా 'కైట్స్' పేరుతో ఉంది. అలాగే మూడు భారతీయ భాషల్లో (తమిళ, తెలుగు, హిందీ) ప్రపంచవ్యాప్తంగా రెండు వేలకు పైగా ప్రింట్లతో విడుదలైన సినిమా కూడా 'రోబో'నే. అక్టోబర్ 1న విడుదలైన ఈ సైన్స్ ఫిక్షన్ ఫాంటసీ సినిమా ఇటీవలే సల్మాన్ ఖాన్ సినిమా 'దబాంగ్' నెలకొల్పిన తొలి మూడు రోజుల వసూళ్ల రికార్డుని ఏకంగా రెట్టింపు వసూళ్లతో బద్దలు కొట్టడం గొప్ప విశేషం. విడుదలైన తొలి మూడు రోజుల్లో 'దబాంగ్' 49 కోట్ల రూపాయల్ని ఆర్జించి రికార్డు నెలకొల్పింది. ఇప్పుడు ఆ రికార్డుని భారీ వ్యత్యాసంతో బద్దలు కొట్టాడు 'రోబో.
బాలీవుడ్ ట్రేడ్ విశ్లేషకుడు కోమల్ నహతా చెప్పిన లెక్కల ప్రకారం 'రోబో' సాధించిన మూడు రోజుల వసూళ్లు 95 కోట్ల రూపాయలు. ఆయన అంచనా ప్రకారం ఆ సినిమా రానున్న రోజుల్లో మరో 125 కోట్ల రూపాయల్ని ఆర్జించనున్నది. అయితే మనదేశంలో కచ్చితమైన బాక్సాఫీసు ఫలితాలు బహిర్గతం కావడం కష్టం. ఒక విశ్లేషణకీ, మరో విశ్లేషణకీ వ్యత్యాసాలు సాధారణం. ఉదాహరణకి స్వతంత్ర పారిశ్రామిక వెబ్ సైట్ అయిన బాక్సాఫీస్ ఇండియా డాట్ కామ్ అంచనాల ప్రకారం తొలి వారాంతంలో 'రోబో' వసూలు చేసిన మొత్తం 57 కోట్ల రూపాయలే. అయినప్పటికీ ఇది కూడా కొత్త రికార్డే కావడం గమనార్హం. మనదేశం బయట అమెరికా, మలేషియా, జపాన్ లలో వీర విహారం చేస్తున్న ఈ సినిమా కొత్తగా స్వీడన్ లోనూ బ్రహ్మాండంగా ఆడుతుండటం రజనీ సినిమాల మార్కెట్ విస్తృతికి ఒక చక్కని నిదర్శనం. రజనీ చేసిన ఈ మ్యాజిక్ తో దక్షిణాది నటులే కాదు, దేశంలో తామే అగ్రగణ్యులమని విర్రవీగే బాలీవుడ్ సూపర్ స్టార్లు సైతం ముక్కు మీద వేలేసుకుని విస్తుపోతున్నారు. వృద్ధాప్యమనదగ్గ అరవై ఏళ్ల వయసులో అందం చందం కూడా లేని నటుడికి ఇదెలా సాధ్యమని వాళ్లు తలలు బద్దలు కొట్టుకుంటున్నారు. ఒక నటుడికీ, దేవుడికీ ఉన్న వ్యత్యాసాన్ని సైతం చెరిపేసిన రజనీని చూసి దిగ్భాంతి చెందుతున్నారు. అదీ రజనీ మాయ! తమిళనాడులో నిన్నటిదాకా బాక్సాఫీసు కొలబద్ద రజనీయే నటించిన 'శివాజి'. ఇప్పుడు తన రికార్డుల్ని తానే బద్దలు కొట్టుకుంటూ 'రోబో'గా సరికొత్త 'బెంచ్ మార్క్'ని నెలకొల్పబోతున్నాడు.
సరే - తమిళనాడులో ఆయనే నెంబర్ వన్ హీరో. మరి తెలుగు సంగతేమిటి? కనీ వినీ ఎరుగని రీతిలో 27 కోట్ల రూపాయలకు అమ్ముడుపోయిన తెలుగు 'రోబో'కి ఈ కలెక్షన్ల తుఫానేమిటి! తెలుగు చలన చిత్ర చరిత్రలోనే ఎన్నడూ ఎరుగని రీతిలో ఒక డబ్బింగ్ సినిమా హైదరాబాదులో 72 స్క్రీన్లలో విడుదలవడం, అన్ని థియేటర్లూ మూడు రోజుల పాటు ఫుల్స్ కావడం మామూలు విశేషం కాదు. దానికి ముందు పవన్ కల్యాణ్ 'పులి' కానీ', దాని తర్వాత 'మహేశ్ ఖలేజా' కానీ అన్నేసి థియేటర్లలో విడుదల కాకపోవడం, రెండూ చాప చుట్టేయడం ఇక్కడ ప్రస్తావనార్హం. ఇప్పుడు చెప్పండి. తెలుగులో సూపర్ స్టార్ ఎవరు? ఏదేమైనా రజనీకాంత్ కీర్తి కిరీటంలో మరో కలికితురాయి చేరింది. దర్శకుడిగా తననెందుకు అగ్రశ్రేణిలో పరిగణిస్తారో 'రోబో'తో మరోసారి నిరూపించుకున్నాడు శంకర్. సాంకేతికంగా భారతీయ సినిమా ఎంత ఎత్తుకు ఎదిగిందో 'రోబో'తో అతను తెలియజేశాడు. ఇప్పుడు 'రోబో'ని ఎందుకు వదులుకున్నానా అని షారుఖ్ ఖాన్ బాధపడుతూ ఉంటాడు. శంకర్ ని తక్కువగా అంచనా వేసినందుకు తనని తాను తిట్టుకుంటూ ఉంటాడు.
Tuesday, October 5, 2010
సినిమా: 'రోబో', 'ఖలేజా'లకి 'బృందావనం' పోటీనిస్తుందా?
అక్టోబర్ 1న వచ్చిన రజనీకాంత్ 'రోబో'కీ, 7న వస్తున్న 'మహేశ్ ఖలేజా'కీ గట్టి పోటీ ఇచ్చేందుకు 14న రాబోతున్న మరో సినిమా 'బృందావనం'. జూనియర్ ఎన్టీఆర్ కథానాయకుడిగా నటించిన ఈ సినిమాని దిల్ రాజు నిర్మిస్తే, 'మున్నా' ఫేమ్ వంశీ పైడిపల్లి దర్శకత్వం వహించాడు. ఈ సినిమాలో నారీ నారీ నడుమ మురారి తరహా పాత్రలో ఎన్టీఆర్ కనిపించబోతున్నాడు. అతని సరసన నేటి అగ్ర నాయికల్లో ఒకరైన కాజల్ అగర్వాల్, 'ఏ మాయ చేసావె'తో యువతరంలో క్రేజ్ పొందిన సమంతా తమ అందచందాలు, అభినయంతో ఆకట్టుకోబోతున్నారు.
'అదుర్స్' తర్వాత ఎన్టీఆర్ నుంచి వస్తోన్న సినిమా కావడమే కాక, దిల్ రాజు సంస్థ నుంచి వస్తుండటంతో 'బృందావనం' మీద అంచనాలు చాలానే ఉన్నాయి. నటనలోనే కాకుండా డాన్సులోనూ నిష్ణాతుడైన ఎన్టీఆర్ ఈ సినిమాలో ఇప్పటివరకు చేయని ఓ కొత్తపాత్రలో అల్లరి యువకుడిగా కనిపించబోతున్నాడు. "టైటిల్ సాఫ్టుగా ఉన్నా ఎన్టీఆర్ అదరగొట్టడం ఖాయం. ఎంతో మాస్ ఇమేజ్ ఉన్న బాలకృష్ణగారు ఇదివరకు 'నారీ నారీ నడుమ మురారి', 'అనసూయమ్మగారి అల్లుడు' వంటి పాత్రలు చేశారు. ఆకట్టుకున్నారు. అలాగే ఎన్టీఆర్ కూడా ఈ సినిమాతో ఒక కుటుంబంలో ఉండే అన్ని వయసుల వాళ్లనీ ఆకట్టుకుంటారు" అని నిర్మాత రాజు చెప్పారు.
అయితే నందమూరి వంశానికి చెందిన హీరోల సినిమాల్ని తెలంగాణలో ఆడనివ్వమని ఇప్పటికే కొన్ని తెలంగాణ సంఘాలు హెచ్చరించిన నేపథ్యంలో నైజాంలో 'బృందావనం' ప్రదర్శనపై సందేహాలు వ్యక్తమవుతున్నాయి. ఎన్టీఆర్ మునుపటి సినిమా 'అదుర్స్'కి ఆ అనుభవం ఎదురయ్యింది కూడా. కాకపోతే 'బృందావనం' నిర్మాత రాజు స్వయంగా తెలంగాణవాసి కావడం వల్ల అడ్డంకులేమీ ఆ సినిమాకి ఎదురుకావనే నమ్మకం ఎన్టీఆర్ అభిమానుల్లో వ్యక్తమవుతోంది.
'అదుర్స్' తర్వాత ఎన్టీఆర్ నుంచి వస్తోన్న సినిమా కావడమే కాక, దిల్ రాజు సంస్థ నుంచి వస్తుండటంతో 'బృందావనం' మీద అంచనాలు చాలానే ఉన్నాయి. నటనలోనే కాకుండా డాన్సులోనూ నిష్ణాతుడైన ఎన్టీఆర్ ఈ సినిమాలో ఇప్పటివరకు చేయని ఓ కొత్తపాత్రలో అల్లరి యువకుడిగా కనిపించబోతున్నాడు. "టైటిల్ సాఫ్టుగా ఉన్నా ఎన్టీఆర్ అదరగొట్టడం ఖాయం. ఎంతో మాస్ ఇమేజ్ ఉన్న బాలకృష్ణగారు ఇదివరకు 'నారీ నారీ నడుమ మురారి', 'అనసూయమ్మగారి అల్లుడు' వంటి పాత్రలు చేశారు. ఆకట్టుకున్నారు. అలాగే ఎన్టీఆర్ కూడా ఈ సినిమాతో ఒక కుటుంబంలో ఉండే అన్ని వయసుల వాళ్లనీ ఆకట్టుకుంటారు" అని నిర్మాత రాజు చెప్పారు.
అయితే నందమూరి వంశానికి చెందిన హీరోల సినిమాల్ని తెలంగాణలో ఆడనివ్వమని ఇప్పటికే కొన్ని తెలంగాణ సంఘాలు హెచ్చరించిన నేపథ్యంలో నైజాంలో 'బృందావనం' ప్రదర్శనపై సందేహాలు వ్యక్తమవుతున్నాయి. ఎన్టీఆర్ మునుపటి సినిమా 'అదుర్స్'కి ఆ అనుభవం ఎదురయ్యింది కూడా. కాకపోతే 'బృందావనం' నిర్మాత రాజు స్వయంగా తెలంగాణవాసి కావడం వల్ల అడ్డంకులేమీ ఆ సినిమాకి ఎదురుకావనే నమ్మకం ఎన్టీఆర్ అభిమానుల్లో వ్యక్తమవుతోంది.
Saturday, October 2, 2010
రివ్యూ: రోబో
రేటింగ్: 3.5/5
తారాగణం: రజనీకాంత్, ఐశ్వర్యారాయ్, డానీ డెంజోప్ప
సంగీతం: ఎ.ఆర్. రెహమాన్
సినిమాటోగ్రఫీ: రత్నవేలు
ఎడిటింగ్: ఆంతోనీ
కళ: సాబు సిరిల్
డైలాగ్స్: శ్రీరామకృష్ణ
నిర్మాత: కళానిధి మారన్
సమర్పణ: తోట కన్నారావు
కథ, స్క్రీన్-ప్లే, దర్శకత్వం: ఎస్. శంకర్
దక్షిణాది అగ్ర నటుడు రజనీకాంత్ కెరీరులో మరో మణిపూస చేరినట్లే. దర్శకుడిగా తననెందుకు అగ్రశ్రేణిలో పరిగణిస్తారో 'రోబో'తో మరోసారి నిరూపించుకున్నాడు శంకర్. సాంకేతికంగా భారతీయ సినిమా ఎంత ఎత్తుకు ఎదిగిందో కూడా చెప్పిన సినిమా 'రోబో'.
కథ: రోబోలను తయారుచేయడంలో నిష్ణాతుడైన శాస్త్రవేత్త డా. వసి (రజనీకాంత్) మనిషిలా కనిపించే చిట్టి (రజనీకాంత్) అనే రోబోని తయారుచేస్తాడు. ఇండియన్ ఆర్మీలో చేర్పించి దాని ద్వారా దేశానికి సేవ చేయాలని వసి భావిస్తాడు. అయితే ఆర్మీలో చేరే విషయంలో చిట్టి విఫలమవుతాడు. దాంతో సందర్భానుసారం స్పందనలు కలిగేలా చిట్టిలో ప్రోగ్రాంని అనుసంధానిస్తాడు. మనిషిలాగే స్పందనలు కలిగే లక్షణాన్ని పొందిన చిట్టి అందాలరాశి సనని ప్రేమిస్తాడు. ఆ సన ఎవరో కాదు, సాక్షాత్తూ డా. వసి పెళ్లిచేసుకోబోయే అమ్మాయి. సన విషయంలో వసికీ, చిట్టికీ మధ్య యుద్ధంలాంటి వాతావరణం ఏర్పడుతుంది. దీన్ని తనకు అనుకూలంగా మలచుకుని చిట్టి శక్తి సామర్థ్యాల్ని దుర్వినియోగం చేయాలని భావిస్తాడు మరో సైంటిస్ట్ డా. బోరా (డానీ). ఆ తర్వాత ఏం జరుగుతుంది? వసి, చిట్టిలలో ఎవరు గెలుస్తారు? అనేది మిగతా కథ.
విశ్లేషణ: మామూలుగా అయితే అయితే ఇది అతి పేలవమైన కథే. కానీ రజనీకాంత్ హీరో అవడమే 'రోబో' కథని ఆసక్తికరం చేసింది. నిజానికి ఎప్పటిలా కథ కంటే శంకర్ కథనమే ఈ సినిమాకి ప్రాణవాయువు. రజనీ విన్యాసాలు దానికి పరిపుష్టిని చేకూర్చాయి. ఆ విన్యాసాలు కావలసినన్ని వున్నాయి ఈ సినిమాలో. 'రోబో'గా రజనీ విశ్వరూపాన్నే ప్రదర్శించాడు.
భూమ్యాకర్షణ సిద్ధాంతాన్నే ప్రశ్నించేలా రజనీ చేసే ఫైట్లు, వేలితో తూటాలు పేల్చే తీరు, అతివేగంగా వెళ్తున్న ట్రైన్ పైన కాకుండా దానికి ఒక పక్కనుంచి పరిగెత్తే విధానంతో పాటు, ఆకాశంలోకి ఎగిరే కార్లు, బైకులు, హాస్యాన్ని కురిపించే కట్ డైలాగ్స్ 'రోబో'ని ఆకర్షణీయంగా మలిచాయి. రోబోని అడ్రస్ అడిగితే అతను తన ఐ.పి. అడ్రస్ ఇచ్చే సన్నివేశంలోనూ, పోలీసుల వద్ద గన్స్ పేల్చే ముందు 'హ్యాపీ దీపావళి' అని చెప్పే సన్నివేశంలోనూ నవ్వనివాళ్లు ఉండరు.
సినిమాకి ప్రాణం చివరి 30 నిమిషాలని చెప్పాలి. భారతీయ ప్రధాన స్రవంతి సినిమా ఏ స్థాయికి చేరుకుందో ఈ అరగంట సినిమా మనకి పట్టిస్తుంది. రజనీకాంత్ అభిమానుల్ని క్లైమాక్స్ బాగా అలరిస్తుంది. 'రోబో' ప్రధాన బలాల్లో అత్యున్నత స్థాయి స్పెషల్ ఎఫెక్ట్స్ అతి ముఖ్యమైనవి. 'జురాసిక్ పార్క్', 'అవతార్' సినిమాలకి స్పెషల్ ఎఫెక్ట్స్ సమకూర్చిన స్టాన్ వింస్టన్ స్టూడియో 'రోబో'లో ప్రవేశపెట్టిన సూపర్ మాన్, బ్యాట్ మాన్, సూపర్ హీరో లక్షణాలు, వాటిని తనదైన శైలిలో రజనీ చేసిన విధానం మెచ్చని వాళ్లు ఎవరు!
అలాగే 'కిల్ బిల్', 'మాట్రిక్స్' వంటి టాప్ క్లాస్ సినిమాలకి స్టంట్స్ కూర్చిన యూన్ వూ పింగ్ 'రోబో' కోసం రూపుదిద్దిన ప్రతి ఫైటూ ఆకట్టుకుంటుంది. సినిమా మొత్తం బడ్జెట్ (రూ. 180 కోట్ల రూపాయలు)లో 40 శాతం ఖర్చయ్యింది కేవలం ఈ స్పెషల్ ఎఫెక్ట్స్ కే. సినిమా చూశాక ఆ ఖర్చంతా సద్వినియోగం అయ్యిందనిపిస్తుంది. సినిమాలో అలరించేది ఈ స్పెషల్ ఎఫెక్ట్స్, ఫైట్స్ మాత్రమే కాదు. వసి, చిట్టి, సన మధ్య ముక్కోణ ప్రేమ కూడా. వసి, రోబో పాత్రల్లో రజనీ తనకే సాధ్యమైన మేనరిజమ్స్, స్టైలుతో చెలరేగిపోయాడు. ఐశ్వర్యారాయ్ గురించి ప్రత్యేకంగా చెప్పేదేముంది. ఆమె గ్లామర్ సినిమాకి అదనపు ఆకర్షణ. చిత్రమేమంటే రజనీకాంత్, ఐశ్వర్య జంట బాగా అలరించగలగడం!
తారాగణం: రజనీకాంత్, ఐశ్వర్యారాయ్, డానీ డెంజోప్ప
సంగీతం: ఎ.ఆర్. రెహమాన్
సినిమాటోగ్రఫీ: రత్నవేలు
ఎడిటింగ్: ఆంతోనీ
కళ: సాబు సిరిల్
డైలాగ్స్: శ్రీరామకృష్ణ
నిర్మాత: కళానిధి మారన్
సమర్పణ: తోట కన్నారావు
కథ, స్క్రీన్-ప్లే, దర్శకత్వం: ఎస్. శంకర్
దక్షిణాది అగ్ర నటుడు రజనీకాంత్ కెరీరులో మరో మణిపూస చేరినట్లే. దర్శకుడిగా తననెందుకు అగ్రశ్రేణిలో పరిగణిస్తారో 'రోబో'తో మరోసారి నిరూపించుకున్నాడు శంకర్. సాంకేతికంగా భారతీయ సినిమా ఎంత ఎత్తుకు ఎదిగిందో కూడా చెప్పిన సినిమా 'రోబో'.
కథ: రోబోలను తయారుచేయడంలో నిష్ణాతుడైన శాస్త్రవేత్త డా. వసి (రజనీకాంత్) మనిషిలా కనిపించే చిట్టి (రజనీకాంత్) అనే రోబోని తయారుచేస్తాడు. ఇండియన్ ఆర్మీలో చేర్పించి దాని ద్వారా దేశానికి సేవ చేయాలని వసి భావిస్తాడు. అయితే ఆర్మీలో చేరే విషయంలో చిట్టి విఫలమవుతాడు. దాంతో సందర్భానుసారం స్పందనలు కలిగేలా చిట్టిలో ప్రోగ్రాంని అనుసంధానిస్తాడు. మనిషిలాగే స్పందనలు కలిగే లక్షణాన్ని పొందిన చిట్టి అందాలరాశి సనని ప్రేమిస్తాడు. ఆ సన ఎవరో కాదు, సాక్షాత్తూ డా. వసి పెళ్లిచేసుకోబోయే అమ్మాయి. సన విషయంలో వసికీ, చిట్టికీ మధ్య యుద్ధంలాంటి వాతావరణం ఏర్పడుతుంది. దీన్ని తనకు అనుకూలంగా మలచుకుని చిట్టి శక్తి సామర్థ్యాల్ని దుర్వినియోగం చేయాలని భావిస్తాడు మరో సైంటిస్ట్ డా. బోరా (డానీ). ఆ తర్వాత ఏం జరుగుతుంది? వసి, చిట్టిలలో ఎవరు గెలుస్తారు? అనేది మిగతా కథ.
విశ్లేషణ: మామూలుగా అయితే అయితే ఇది అతి పేలవమైన కథే. కానీ రజనీకాంత్ హీరో అవడమే 'రోబో' కథని ఆసక్తికరం చేసింది. నిజానికి ఎప్పటిలా కథ కంటే శంకర్ కథనమే ఈ సినిమాకి ప్రాణవాయువు. రజనీ విన్యాసాలు దానికి పరిపుష్టిని చేకూర్చాయి. ఆ విన్యాసాలు కావలసినన్ని వున్నాయి ఈ సినిమాలో. 'రోబో'గా రజనీ విశ్వరూపాన్నే ప్రదర్శించాడు.
భూమ్యాకర్షణ సిద్ధాంతాన్నే ప్రశ్నించేలా రజనీ చేసే ఫైట్లు, వేలితో తూటాలు పేల్చే తీరు, అతివేగంగా వెళ్తున్న ట్రైన్ పైన కాకుండా దానికి ఒక పక్కనుంచి పరిగెత్తే విధానంతో పాటు, ఆకాశంలోకి ఎగిరే కార్లు, బైకులు, హాస్యాన్ని కురిపించే కట్ డైలాగ్స్ 'రోబో'ని ఆకర్షణీయంగా మలిచాయి. రోబోని అడ్రస్ అడిగితే అతను తన ఐ.పి. అడ్రస్ ఇచ్చే సన్నివేశంలోనూ, పోలీసుల వద్ద గన్స్ పేల్చే ముందు 'హ్యాపీ దీపావళి' అని చెప్పే సన్నివేశంలోనూ నవ్వనివాళ్లు ఉండరు.
సినిమాకి ప్రాణం చివరి 30 నిమిషాలని చెప్పాలి. భారతీయ ప్రధాన స్రవంతి సినిమా ఏ స్థాయికి చేరుకుందో ఈ అరగంట సినిమా మనకి పట్టిస్తుంది. రజనీకాంత్ అభిమానుల్ని క్లైమాక్స్ బాగా అలరిస్తుంది. 'రోబో' ప్రధాన బలాల్లో అత్యున్నత స్థాయి స్పెషల్ ఎఫెక్ట్స్ అతి ముఖ్యమైనవి. 'జురాసిక్ పార్క్', 'అవతార్' సినిమాలకి స్పెషల్ ఎఫెక్ట్స్ సమకూర్చిన స్టాన్ వింస్టన్ స్టూడియో 'రోబో'లో ప్రవేశపెట్టిన సూపర్ మాన్, బ్యాట్ మాన్, సూపర్ హీరో లక్షణాలు, వాటిని తనదైన శైలిలో రజనీ చేసిన విధానం మెచ్చని వాళ్లు ఎవరు!
అలాగే 'కిల్ బిల్', 'మాట్రిక్స్' వంటి టాప్ క్లాస్ సినిమాలకి స్టంట్స్ కూర్చిన యూన్ వూ పింగ్ 'రోబో' కోసం రూపుదిద్దిన ప్రతి ఫైటూ ఆకట్టుకుంటుంది. సినిమా మొత్తం బడ్జెట్ (రూ. 180 కోట్ల రూపాయలు)లో 40 శాతం ఖర్చయ్యింది కేవలం ఈ స్పెషల్ ఎఫెక్ట్స్ కే. సినిమా చూశాక ఆ ఖర్చంతా సద్వినియోగం అయ్యిందనిపిస్తుంది. సినిమాలో అలరించేది ఈ స్పెషల్ ఎఫెక్ట్స్, ఫైట్స్ మాత్రమే కాదు. వసి, చిట్టి, సన మధ్య ముక్కోణ ప్రేమ కూడా. వసి, రోబో పాత్రల్లో రజనీ తనకే సాధ్యమైన మేనరిజమ్స్, స్టైలుతో చెలరేగిపోయాడు. ఐశ్వర్యారాయ్ గురించి ప్రత్యేకంగా చెప్పేదేముంది. ఆమె గ్లామర్ సినిమాకి అదనపు ఆకర్షణ. చిత్రమేమంటే రజనీకాంత్, ఐశ్వర్య జంట బాగా అలరించగలగడం!
Thursday, September 30, 2010
సినిమా: 'రోబో'కి థియేటర్లు దొరుకుతాయా?
దక్షిణ భారతంలోనే - ఆ మాటకొస్తే దేశంలోనే అత్యధిక పారితోషికాలు తీసుకుంటున్న నటుడు రజనీకాంత్, దర్శకుడు శంకర్, నటి ఐశ్వర్యారాయ్ కాంబినేషనులో తయారైన 'రోబో' అక్టోబర్ 1న ప్రేక్షకుల ముందుకు వస్తోంది. భారత దేశంలో ఒక సినిమా 180 కోట్ల రూపాయల (అనధికార సమాచారం ప్రకారం 225 కోట్లు) వ్యయంతో రూపొందటమనేది ఊహకి అందని సంగతి. కానీ ఊహాతీతంగా సినిమాలు చెయ్యడమే డైరెక్టర్ శంకర్ పంథా. మునుపటి సినిమా 'శివాజి'తో వంద కోట్ల రూపాయల బిజినెస్ మార్కుని అధిగమించిన శంకర్ ఇప్పుడు దానికి రెట్టింపు వ్యయంతో 'రోబో'ని తీసి వార్తల్లో వ్యక్తిగా మారాడు.
అసాధారణ రిస్కుతో కూడిన ఈ వ్యయాన్ని భరించేందుకు చెన్నైకి చెందిన నిర్మాణ సంస్థ సన్ పిక్చర్స్ ముందుకు రావడం వల్లే 'రోబో' ప్రాజెక్టు సాధ్యపడింది. సుమారు రెండేళ్లపాటు నిర్మాణం సాగిన ఈ సినిమాకి కథ కంటే గ్రాఫిక్స్, స్పెషల్ ఎఫెక్ట్స్ ప్రాణంగా నిలవనున్నాయి. స్పెషల్ ఎఫెక్ట్స్ పరంగా హాలీవుడ్ లో అత్యున్నత స్థాయి సాంకేతిక ప్రమాణాలతో రూపొందిన సినిమాలకు దీటుగా 'రోబో' నిలవనున్నదని ఈ సినిమా గురించి తెలిసిన ప్రతి ఒక్కరూ చెబుతున్నారు. టీవీల్లో, థియేటర్లలో కనిపిస్తున్న ట్రైలర్లు ఆ సంగతే నిరూపిస్తున్నాయి.
ఇంతటి భారీ ఖర్చుతో తీసినందునే తెలుగు హక్కులు సైతం కనీవినీ ఎరుగని రీతిలో 27 కోట్ల రూపాయలకు అమ్ముడుపోయాయి. పశ్చిమ గోదావరి జిల్లాకు చెందిన మొక్కజొన్న వ్యాపారి తోట కన్నారావు ఈ హక్కులు సొంతం చేసుకున్నారు. రజనీ ద్విపాత్రాభినయం 'రోబో'లోని విశేషం. ఒక పాత్ర సైంటిస్ట్ అయితే, ఆ సైంటిస్ట్ చేతిలో రూపొందిన మరో పాత్రే 'రోబో'. మనుషుల్లాగా స్పందనలు కూడా కలిగిన ఆ రోబోతో అందాల ఐశ్వర్యారాయ్ ఆడే ఆటలు, పాడే పాటలు ప్రేక్షకుల్ని అలరిస్తాయని నిర్మాతలు అంటున్నారు. అలాగే 'రోబో' చేసే యాక్షన్ సన్నివేశాలు గగుర్పాటు కలిగించనున్నాయి.
'రోబో' తెలుగు వెర్షన్ 500 ప్రింట్లతో విడుదల చేస్తున్నట్లు నిర్మాతలు ప్రకటించారు. అయితే అన్ని ప్రింట్లు విడుదల చేయడానికి థియేటర్లు లభ్యమవుతాయా - అనే సందేహం కలుగుతోంది. అక్టోబర్ 7న విడుదలవుతున్న 'మహేశ్ ఖలేజా'ని అల్లు అరవింద్ పంపిణీ చేస్తుండటం, 8న వస్తున్న ఎన్టీఆర్ 'బృందావనం' నిర్మాత దిల్ రాజు స్వయంగా డిస్ట్రిబ్యూటర్ కావడంతో వాటికి లభ్యమైనన్ని ప్రధాన థియేటర్లు 'రోబో'కి లభించే విషయం అనుమానాస్పదమే.
నైజాం ఏరియాకి సంబంధించి రెండు రోజుల క్రితమే 'రోబో' బిజినెస్ పూర్తయింది. ఇదివరకు నైజాంలో 'సింహా'ని పంపిణీ చేసిన మల్టీడైమెన్షన్ ఎంటర్టయిన్మెంట్ సంస్థ 8 కోట్ల రూపాయలకి పంపిణీ హక్కులు సొంతం చేసుకుంది. 12 కోట్ల రూపాయలకు ఈ హక్కులు అమ్మాలని ఆశించిన కన్నారావు ప్రయత్నాలు ఫలించలేదు.
Monday, September 20, 2010
సినిమా: మహేశ్ వర్సెస్ ఎన్టీఆర్

తెలుగులో ఇద్దరు టాప్ హీరోలు దసరాకి ఢీ అంటే ఢీ అంటున్నారు. ఆ ఇద్దరు - మహేశ్, జూనియర్ ఎన్టీఆర్. మహేశ్ హీరోగా నటించిన 'మహేశ్ ఖలేజా' సినిమా అక్టోబర్ 7న రిలీజ్ అవుతుందని నిన్న (సెప్టెంబర్ 19) ఆ సినిమా నిర్మాతలు శింగనమల రమేశ్, సి. కల్యాణ్ అధికారికంగా ప్రకటిస్తే, ఎన్టీఆర్ సినిమా 'బృందావనం' అక్టోబర్ 8న రిలీజవుతుందని ఆ సినిమా నిర్మాత రాజు ఈరోజు (సెప్టెంబర్ 20) ప్రెస్ మీట్ పెట్టి మరీ ప్రకటించారు. నిజానికి ఇంతకుమునుపు 'ఖలేజా' సెప్టెంబర్ 30న, 'బృందావనం' అక్టోబర్ 1న విడుదలవుతాయని వాళ్లు ప్రకటించారు.
కానీ రజనీకాంత్ 'రోబో' సినిమా విడుదల సెప్టెంబర్ 24 నుంచి అక్టోబర్ 1కి మారడంతో దానికి అనుగుణంగా ఈ సినిమాలని కూడా ఓ వారం వెనక్కి జరిపారు. అయితే ఈ డేట్లు ఫైనల్ అవుతాయా, మళ్లీ పోస్ట్ పోన్ అవుతాయా అనే సంగతి చెప్పలేం. అయితే దసరాకి మాత్రం మహేశ్, ఎన్టీఆర్ 'నువ్వా నేనా' అనక తప్పేట్లు లేదు. వాళ్లిద్దరూ ఇలా ఢీకొనడం ఇదే ప్రథమం. అక్టోబర్ 17 విజయదశమి. 10 నుంచే దసరా సెలవులు మొదలు. వాటిని క్యాష్ చేసుకోవాలంటే 7 లేదా 8 తేదీల్లో సినిమాని విడుదల చేయాలి. అందుకే 'ఖలేజా', 'బృందావనం' సినిమాల్ని ఆ తేదీల్లో విడుదల చేయాలని నిర్మాతలు నిర్ణయించారు.
ఇలా ఒక వారం తేడాతో మూడు మెగా మూవీలు వస్తుండటంతో థియేటర్లకు కొరత తప్పడం లేదు. ఇప్పటికీ 'రోబో' నైజాం బిజినెస్ సంగతి తేలకపోవడం వల్ల ఆ సినిమాని ఈ ప్రాంతంలో ఎన్ని థియేటర్లలో విడుదల చేసేదీ ఇంకా ఓ కొలిక్కి రాలేదు. మరోవైపు 'ఖలేజా'ని అల్లు అరవింద్, 'బృందావనం'ని దిల్ రాజు విడుదల చేస్తున్నందువల్ల ప్రధాన థియేటర్లన్నీ ఈ రెండు సినిమాలకే బుక్ అయ్యాయి. అయినప్పటికీ ఒకే టైంలో ఈ మూడింటినీ విడుదల చేస్తున్నందువల్ల మరీ ఎక్కువ ప్రింట్లతో విడుదల సాధ్యం కాదు. ఈ సంగతిని నిర్మాత రాజు ఒప్పుకున్నారు కూడా. 'వంద థియేటర్లలో వేయాల్సింది తొంభై థియేటర్లలో వేస్తాం' అని ఆయన చెప్పారు.
ఏదేమైనా 'ఖలేజా', 'బృందావనం' సినిమాలపై అంచనాలు అంబరాన్ని చుంబిస్తున్నాయి. ల్యాబ్ రిపోర్టులు కూడా ఈ రెండింటికీ పాజిటివ్ గానే ఉండటం వల్ల రిజల్ట్ ఏమవుతుందనే కుతూహలం అందరిలో పెరుగుతోంది. ఇద్దరిలో గెలుపెవరిది? ఒకరు ఓడి, ఒకరు గెలుస్తారా? ఇద్దరూ గెలుస్తారా? లేక ఇద్దరూ చేతులెత్తేస్తారా? దీనిపై ఇద్దరు హీరోల అభిమానులు ఇప్పటికే పందేలు కడుతున్నారు. ఈ పందెంలో గెలుపు పుంజు ఎవరో?
Thursday, September 2, 2010
Movies: Where is Nayantara?

ఇవాళ కేరళ కుట్టి నయనతారది తెలుగులో టాప్ రేంజే అయినా ఆశ్చర్యంగా ఆమె చేతిలో ఒక్క తెలుగు సినిమా కూడా లేదు. ప్రభుదేవాని పెళ్లి చేసుకుని సినిమాలకి గుడ్ బై చెప్పే ఆలోచనలో ఉంది కాబట్టి కొత్తగా ఆమె సినిమాలని ఒప్పుకోవడం లేదని అంటున్నారు. అయితే ఎక్కువ రెమ్యూనరేషన్ డిమాండ్ చేస్తున్నందువల్లే ఆమె అవకాశాల్ని లేత హీరోయిన్లు లాగేసుకుంటున్నారని ఫిలింనగర్ వర్గాల వాదన. ఐదేళ్ల క్రితం వచ్చిన 'చంద్రముఖి'లో రజనీకాంత్ కి జోడీగా తళుక్కున మెరిసిన ఈ 26 సంవత్సరాల అందాల భామ 'లక్ష్మీ', 'దుబాయ్ శీను', 'తులసి' సినిమాలతో పాటు ఈ ఏడాది 'అదుర్స్', 'సింహా' సినిమాల్లో అబ్బాయ్, బాబాయ్ లతో అంటే జూనియర్ ఎన్టీఆర్, బాలకృష్ణలతో స్టెప్పులేసి అలరించింది. అయినప్పటికీ ఆమె చేతిలో ఒక్కటంటే ఒక్క తెలుగు సినిమా లేకుండా పోయింది.
Wednesday, September 1, 2010
Movies: Rs. 17 Crores deficit for 'Komaram Puli'?
పవన్ కల్యాణ్ సినిమా 'కొమరం పులి'పై ఫిలింనగర్ లో రకరకాల ఊహాగానాలు చెలరేగుతున్నాయి. ఆ సినిమా ఎప్పుడు రిలీజయ్యేదీ ఇప్పటికీ స్పష్టం కాకపోవడమే ఈ ఊహాగానాలకు కారణం. సెప్టెంబర్ 2 పవన్ పుట్టిన రోజు కాబట్టి ఆ రోజే సినిమా వస్తుందని ఇప్పటిదాకా అందరూ అనుకున్నారు. అయితే ఆరోజు 'కొమరం పులి' రావడం లేదని తేలిపోయింది. సినిమాకి రీరికార్డింగ్ పూర్తికాకపోవడమే దీనికి కారణమనీ, రజనీకాంత్ సినిమా 'రోబో' పని పూర్తయినాకే 'కొమరం పులి'కి మిగిలి వున్న రీరికార్డింగ్ పూర్తి చేస్తానని రెహమాన్ అన్నాడనీ ప్రచారంలోకి వచ్చింది. అయితే అది కరెక్ట్ కాదని విశ్వసనీయ వర్గాల సమాచారం. రెహమాన్ కి సంబంధించిన పని పూర్తయిపోయిందనీ, 'కొమరం పులి' విడుదల వాయిదా పడటానికి కారణం ఫైనాన్స్ ప్రాబ్లమేననీ ఆ వర్గాలు చెబుతున్నాయి. ప్రస్తుతం ఆ సినిమా 17 కోట్ల రూపాయల డెఫిసిట్ తో ఉందనీ, అంత నష్టాన్ని తాను భరించలేననీ నిర్మాత శింగనమల రమేశ్ తేల్చి చెప్పడం వల్లే ఈ అనిశ్చిత స్థితి తలెత్తినట్లు సమాచారం. హీరో పవన్ కల్యాణ్ కూడా ఈ నష్టంలో కొంత భరించాలనేది ఆయన వాదన అంటున్నారు. మరోవైపు 'కొమరం పులి' తర్వాతే 'మహేశ్ ఖలేజా'ని విడుదల చేయాలని గీతా ఫిల్మ్ డిస్ట్రిబ్యూటర్స్ అధినేత అల్లు అరవింద్ పట్టుబడుతున్నట్లు ఆ వర్గాలు అంటున్నాయి. దీంతో ఇప్పటిదాకా అనుకుంటున్నట్లు 'మహేశ్ ఖలేజా' అయినా సెప్టెంబర్ 30న వస్తుందా అనేదాంట్లో సందిగ్ధత నెలకొంది.
Tuesday, August 31, 2010
Movies: Shriya - The outdated actress

నేడు తెలుగు చిత్రసీమలో టాప్ హీరోయిన్లు ఎవరంటే.. అనుష్క, జెనీలియా, ఇలియానా, కాజల్ అగర్వాల్. తమన్నా కూడా ఆ రేసులోకి రావాలని గట్టి ప్రయత్నమే చేస్తోంది. వీళ్లంతా ఆరేడేళ్లలోపు ఇండస్ట్రీకి వచ్చిన వాళ్లే. టాప్ రేంజిని ఎంజాయ్ చేసి, అంతలోనే డిమాండ్ తగ్గిపోయిన తారల ఉదాహరణలు ఎన్నయినా చెప్పుకోవచ్చు. లేటెస్టుగా తీసుకుంటే మొన్న వచ్చిన రవితేజ సినిమా 'డాన్ శీను'లో హీరోయిన్ గా నటించిన శ్రియ కెరీర్ ఎలా సాగింది? మూడేళ్ల క్రితం వచ్చిన 'శివాజి'లో రజనీకాంత్ సరసన మెరుపులా మెరిసినా తెలుగులో ఆమెకి హీరోయిన్ అవకాశం వచ్చింది మళ్లీ 'డాన్ శీను'లోనే.
తొమ్మిదేళ్ల క్రితం 'ఇష్టం'తో తెలుగులో తెరంగేట్రం చేసిన శ్రియకు 'సంతోషం', 'నువ్వే నువ్వే', 'ఠాగూర్' సినిమాలు గిరాకీ తెచ్చాయి. అయితే ఆ తర్వాత వచ్చిన సినిమాలు ఆమె గిరాకీని క్రమేణా క్షీణింపజేశాయి. 'శివాజి' తర్వాత ఆమె ఓ తెలుగు సినిమాలో హీరోయినుగా చేయడానికి మూడేళ్ల కాలం పట్టిందంటే కారణం, ఆమెని 'ఔట్ డేటెడ్ హీరోయిన్'గా పరిశ్రమ భావించడమే. ఈ మధ్యకాలంలో ఆమె ఐటమ్ సాంగ్స్ చేస్తూ కాలం గడిపేసింది. 'డాన్ శీను' రిలీజై వారాలు గడిచిపోయినా 28 ఏళ్ల ఈ ఢిల్లీ సుందరి ఇప్పటిదాకా మరే తెలుగు సినిమాకీ హీరోయినుగా సంతకం చేయలేదు. గణాంకాల ప్రకారం నాలుగేళ్లు కూడా టాప్ రేంజిని ఎంజాయ్ చేయలేకపోయింది శ్రియ.
Friday, August 27, 2010
Movies: 'Promotion' Mantra

ఇవ్వాళా రేపూ లో-బడ్జెట్ సినిమా అయినా, భారీ బడ్జెట్ సినిమా అయినా కరెక్టుగా ప్రమోట్ చేయకపోతే కష్టమే. ఇమేజ్ ఉన్న హీరో సినిమా అయితే ప్రమోషన్ సరిగ్గా ఉంటే చాలు బీభత్సమైన ఓపెనింగ్స్. మొదటి రెండు వారాలు హౌస్ ఫుల్ కలెక్షన్లు. నిర్మాతకు కాసుల వర్షం కురిపించకున్నా ఆర్థికంగా చితికిపోకుండా కాపాడుతుంది.
ఆడియో ఎంత గ్రాండుగా విడుదల చేస్తే సినిమాను అంత బాగా ప్రమోట్ చేసుకున్నట్టు. అందుకే డబుల్ ప్లాటినమ్ డిస్క్ అనీ, ట్రిపుల్ ప్లాటినమ్ డిస్క్ అనీ ఆడియో వేడుకలు ఎక్కువయ్యాయి ఈమధ్య. ప్రమోషన్ దృష్టిలో ఉంచుకునే జయాపజయాలతో సంబంధం లేకుండా, విడుదలకు ముందే ఇలాంటి వేడుకలు చేసేస్తున్నారు.
ప్రమోషన్ పరిధి, అవసరం పెరిగాక శత దినోత్సవ వేడుకలు, అర్ధ శతదినోత్సవ వేడుకలకు కాలం చెల్లిపోయింది. సినిమా కలెక్షన్లు, రికార్డులే తప్ప వందరోజుల పోస్టర్ చూసి గొప్పగా ఫీలయ్యే సినీ ప్రేమికులు ఇప్పుడు ఎవరూ లేకుండా పోయారు.
డబ్బింగ్ సినిమాలకు కూడా ఆంధ్రప్రదేశ్ లో బ్రహ్మాండమైన ఓపెనింగ్స్ రావటానికి కారణం ఆయా సంస్థలు చేస్తున్న ప్రమోషనే. హాలీవుడ్ సినిమా 'అవతార్', రజనీకాంత్ సినిమా 'శివాజి' సాధించిన విజయం ఆ విషయాన్ని స్పష్టం చేస్తోంది.
Friday, August 20, 2010
Doubts on 'Komaram Puli' release!
పవన్ కల్యాణ్ సినిమా 'కొమరం పులి' ఎప్పుడు వస్తుంది? ఇప్పుడు ఫిల్మ్ నగర్ లో ఇదే హాట్ టాపిక్. అన్నీ కుదిరితే ఆగస్టులోనే రావాల్సిన ఈ సినిమా సెప్టెంబరుకి వాయిదా పడిందని అన్నారు. బహుశా పవన్ పుట్టినరోజు అయిన సెప్టెంబర్ 2కి రిలీజ్ కావచ్చని టాక్ వినిపించింది. కానీ లేటెస్ట్ సమాచారం ప్రకారం ఆ టైంకి వచ్చే అవకాశాలు కనిపించడం లేదు. అప్పటికి రీరికార్డింగ్ పూర్తయ్యే చాన్స్ లేకపోవడమే దీనికి కారణమంటున్నారు. రజనీకాంత్ సినిమా 'రోబో' రీరికార్డింగ్ పూర్తయ్యాకే 'కొమరం పులి'కి చేస్తానని ఎ.ఆర్. రెహమాన్ తేల్చిచెప్పాడంటున్నారు. అర్జెంట్ అయితే మరో మ్యూజిక్ డైరెక్టర్ తో పని చేయించుకోమని కూడా రెహమాన్ సలహా ఇచ్చాడంట. ఇంతదాకా వచ్చి మరో మ్యూజిక్ డైరెక్టరుతో పని చేయించుకోవడం ఇష్టంలేని నిర్మాతలు రెహమాన్ కోసం వెయిట్ చేయడానికే డిసైడ్ చేసుకున్నారంట. చూస్తుంటే 'మహేశ్ ఖలేజా'నే ముందుగా రిలీజ్ కాదుగదా!
Subscribe to:
Posts (Atom)













