వెంటనే పుల్లయ్య అక్కడి జనం కొంతమందిని పోగుచేసి, వారిని పైకి తీసుకెళ్లి, అలాగే అడ్డకట్ట వేయించారు. నీరు బాగా నిండిపోయింది. మరుసటి రోజు ఉదయం అందరూ షూటింగ్కు సిద్ధంగా ఉన్నారు. ఫాల్కే వద్దకు పుల్లయ్య పరుగున వెళ్లి "సేట్ సాబ్! మీరు రిహార్సల్స్లో ఆ కట్ట తీయించేస్తే, ధార మొత్తం పడిపోతుంది. ఆ తర్వాత 'టేక్' అప్పుడు ధార పడదు" అని చెప్పారు. "అవునవును. బాగా గుర్తు చేశావు" అంటూ ఫాల్కే "నీటి ధార పడుతున్నట్లు భావిస్తూ అందరూ యాక్ట్ చేయాలి" అని రిహార్సల్స్ చేయించారు.
టేక్ అప్పుడు అడ్డకట్ట తీయించారు. ధార బ్రహ్మాండంగా పడింది. ఆ షాట్లో పుల్లయ్య కూడా పాడుతూ నటించాలి. షాట్ మహాద్భుతంగా వచ్చిందంటూ పరమానందంతో ఆయనను ఫాల్కే అమాంతంగా కౌగలించుకున్నారు.
