అలనాటి ఆణిముత్యం: మళ్లీ పెళ్లి (1939)

కథాంశం: బాల్య వివాహాల్ని నిరోధించే శారదా చట్టం అమల్లోకి వస్తుందేమోనని లాయర్ జగన్నాథరావు పంతులు భయపడుతుంటాడు. అతడి ఆరేళ్ల కూతురు లలితని ఓ పెద్దాయనకిచ్చి పెళ్లిచేస్తే, అతను కాస్తా హారీమన్నాడు. దాంతో లలిత బాల వితంతువుగా మారింది. తమ ప్రాంతంలో గట్టి పట్టువున్న పంతులుకి సంఘ సంస్కరణలంటే గిట్టదు.

సుందరరావనే నిరుద్యోగ గ్రాడ్యుయేట్ తన చెల్లెలు కమలతో కలిసి వాళ్ల ఎదురింట్లో ఉంటాడు. కమల, లలిత స్నేహితులవుతారు. సుందరరావు, లలిత మధ్య త్వరలోనే ప్రేమ చిగుర్లు వేస్తుంది. లలితను పెళ్లాడాలని అతను నిశ్చయిస్తాడు. జగన్నాథరావు దగ్గరి బంధువు వెంకటరావు, కమల కూడా ప్రేమించుకుంటారు. ఓసారి లలైత కోసం తన ఇంటికొచ్చిన కమలని బలాత్కరించబోతాడు జగన్నాథరావు. అతణ్ణి చావగొట్టి జైలుకి వెళ్తాడు సుందరరావు. 

లలిత గర్భవతి అయ్యిందనే పుకారు వ్యాపిస్తుంది. సుందరరావును కలిసి తనకే పాపమూ తెలీదని చెబుతుంది లలిత. అతను నమ్మడు. దాంతో చనిపోవాలని భావిస్తుంది లలిత. ఆ మరుసటి రోజే సుందరరావు జైలునుంచి విడుదలవుతాడు. రోడ్డుపక్క పడిపోయి ఉన్న లలితను చూస్తాడు. ఆమెను ఆసుపత్రికి తీసుకుపోతాడు. ఆమెని పరీక్షించిన డాక్టర్ ఆమె గర్భవతి కాదనీ, కానీ కడుపులో బల్ల ఉందనీ చెబుతాడు. సుందరరావు పశ్చాత్తాపపడతాడు. చివరకు జగన్నాథరావు కూడా తన తప్పు తెలుసుకుంటాడు. తన చేతుల మీదుగా లలిత - సుందరరావు, కమల - వెంకటరావు పెళ్లి చేస్తాడు.

తారాగణం: వై.వి. రావు (సుందరరావు), కాంచనమాల (లలిత), బలిజేపల్లి లక్ష్మీకాంత కవి (జగన్నాథరావు), బెజవాడ రాజారత్నం (కమల), కొచ్చర్లకోట సత్యనారాయణ (వెంకటరావు), రంగస్వామి, ఆదినారాయణయ్య, నటేశ అయ్యర్, మాణిక్యమ్మ, రాజలక్ష్మమ్మ, సి. కృష్ణవేణి.

మాటలు, పాటలు: బలిజేపల్లి లక్ష్మీకాంత కవి

సంగీతం: ఓగిరాల రామచంద్రరావు

ఛాయాగ్రహణం: జితేన్ బెనర్జీ

నిర్మాత, దర్శకుడు: వై.వి. రావు

బేనర్: జగదీశ్ ఫిలిమ్స్

విశేషాలు: ఈ సినిమా ద్వారా ఓగిరాల రామచంద్రరావు సంగీత దర్శకునిగా పరిచయమయ్యారు. ఈ చిత్రంలోని 'నా సుందరరూపా' అనే పాట తెలుగులో ఓ గాయకుడు పాడిన తొలి పాటగా చరిత్రకెక్కింది. ఆ పాటని కాంచనమాల, వై.వి. రావుపై డ్యూయెట్‌గా తీశారు. అప్పట్లో పాటల్ని ఎవరి మీద తీస్తే వారే పాడే సంప్రదాయం ఉంది. అయితే వై.వి. రావు పాడలేనందు వల్ల ఆ పాటని కాంచనమాలతో కలిసి ఓగిరాల పాడారు. కానీ గ్రామఫోన్ రికార్డు మీద గాయకుడిగా వై.వి. రావు పేరు వేశారు.

ఆనాటి వెండితెర వెలుగులు: వై.వి. రావు

యరగుడిపాటి వరదారావు (వై.వి. రావు) నెల్లూరులోని ఓ సంపన్న, సంప్రదాయ కుటుంబం నుంచి సినీ రంగానికి వచ్చారు. స్కూలు రోజుల్లోనే రంగస్థలం వైపు ఆకర్షితులయ్యారు. బొంబాయి, కొల్హాపూర్‌కి వెళ్లి ఓ రెండు మూకీ సినిమాల్లో నటించారు. దక్షిణాదిన మూకీ చిత్రాల ఆద్యుల్లో ఒకరైన ఆర్.ఎస్. ప్రకాశ్ ఆయన్ని మద్రాసుకు తీసుకువచ్చారు. అలా వై.వి. రావు మూకీ చిత్రాలైన 'భీష్మ ప్రతిజ్ఞ' (1921), 'గజేంద్ర మోక్షం', 'ఉషా స్వప్న' (1924), 'గరుడ గర్వభంగం' (1929)లో నటించారు. ఇవన్నీ స్టార్ ఆఫ్ ద ఈస్ట్ ఫిల్మ్ కంపెనీ నిర్మించినవే. అలాగే 'సారంగధర' (1930), 'పాండవ నిర్వాణ', 'పాండవ అజ్ఞాతవాసం' (1931) చిత్రాల్లో నటించి, వాటిని డైరెక్ట్ చేశారు. వీటిని జనరల్ పిక్చర్స్ కార్పొరేషన్ నిర్మించింది. ఆసక్తికర సంగతేమంటే కన్నడలో తొలి టాకీ సినిమా 'సతీ సులోచన' (1934) దర్శకుడు ఆయనే. తమిళ టాకీ 'చింతామణి' దర్శకుడిగా అందరి ప్రశంసలు పొందిన ఆయన అందులో భవానీ శంకర్ పాత్రని స్వయంగా పోషించి తమిళనాట మంచి పేరు ప్రఖ్యాతులు పొందారు. మరో తమిళ సినిమా 'లవంగి'లో హీరోగా నటించి, దర్శకత్వం వహించిన వై.వి. రావు అందులో హీరోయిన్‌గా నటించిన అప్పటి వర్థమాన తార రుక్మిణితో ప్రేమలోపడి, పెళ్లి చేసుకున్నారు. అయితే వారి వైవాహిక జీవితం ఎంతో కాలం సాగక, విడిపోయారు. నిన్నటి తరం అందాల నాయకి, నేటి సీనియర్ నటి లక్ష్మి వారి కూతురే. ఆ తర్వాత రుక్మిణి అప్పటి మరో గ్లామరస్ హీరో చదలవాడ నారాయణరావుతో సంసార జీవితం గడిపారు. తెలుగులో విధవా వివాహంపై ఆయన రూపొందించిన 'మళ్లీ పెళ్లి' (1939) అప్పట్లో సంచలనం సృష్టించింది. ఈ చిత్రంలో రావు, కాంచనమాల జంటగా నటించారు.

Y.V. Rao (Actor, Director and Producer)

Original Name: Yaragudipati Varada Rao
Wife: Rukmini (film actress)
Birth Date: 30 May 1903
Birth Place: Nellore
Qualification: MBBS discontinue from Madras University
YV Rao entered in the cine field in 1925 and joined in Maniklal Joshi Film Company, Mumbai and acted in some mookies. Later he joined in Arthesher Irani's Imperial Company. He worked in Art Department of General Pictures Corporation, Madras.
Later he worked as assistant director to Raghupathi Prakash and acted in his mookies like 'Gajendra Moksham' and 'Rose of Rajasthan'.

Filmography
as an actor:
1. Garuda Garvabhangam (Sri Krishna)
2. Satyabhama (Sri Krishna)
3. Sati Sulochana (First Kannada Talkie- Lakshmana)
4. Chintamani (Tamil - Bhavani Shankar)
5 Savitri (Tamil - Satyavanta)
6. Malli Pelli
7. Vishwa Mohini
8. Lavangi (Tamil - Jagannatha Pandita Rayalu)
9. Bhadrachalam Ramadasu (Tamil - Nawab)
10. Manjari

as a director:
1. Sati Sulochana
2. Chintamani
3. Bhakta Meera (Tamil)
4. Swarna Latha (Tamil)
5. Bhama Parinayam (Tamil)
6. Savitri (Tamil)
7. Malli Pelli
8. Vishwa Mohini
9. Satyabhama
10. Tahasildar
11. Lavangi (Tamil)
12. Bhadrachalam Ramadasu (Tamil)
13. Manavathi
14. Manjari
15. Sri Krishna Garadi