సినీ హీరోలకూ, రాజకీయ నాయకులకూ అభిమానులు ఫ్లెక్సీలు కట్టి తమ అభిమానం చాటుకోవడం మనకు తెలుసు. అయితే ఇక్కడ సీన్ మారింది. మహా మహా నాయకుల్ని జైలుకు పంపుతున్న సీబీఐ జేడీ లక్ష్మీనారాయణకు ఇప్పుడు అభిమాన సంఘాలు ఏర్పడుతున్నాయి. ఈ దశాబ్దపు హీరోగా లక్ష్మీనారాయణను కీర్తిస్తూ అమలాపురంలో ఉదయభాస్కర్ అనే అభిమాని ఆయనకు ఫ్లెక్సీకట్టి తన అభిమానాన్ని చాటుకున్నాడు. అవినీతి, అక్రమాలకు పాల్పడుతున్న నాయకుల్ని జైల్లో పెడుతున్న లక్ష్మీనారాయణకు యువత సంపూర్ణ మద్దతునివ్వాలని అందులో సూచించారు.
