అల్లరి నరేష్ పుట్టిన రోజు (జూన్ 30) సందర్భంగా సిరి సినిమా పతాకంపై అమ్మిరాజు కానుమిల్లి నిర్మించే కొత్త చిత్రం వివరాలు ప్రకటించారు. నరేష్తో ఇంతకుముందు 'సీమశాస్త్రి', 'సీమటపాకాయ్' చిత్రాలను రూపొందించిన జి. నాగేశ్వరరెడ్డి ఈ చిత్రానికి దర్శకుడు. ఈ సినిమా వివరాలను నిర్మాత అమ్మిరాజు వెల్లడిస్తూ 'అక్టోబర్ నెల్లో విజయదశమి రోజున ఈ చిత్రం షూటింగ్ ప్రారంభించి డిసెంబర్కల్లా పూర్తి చేస్తాం. వినోదం, యాక్షన్ కలగలసిన ఫ్యామిలీ డ్రామా ఇది. 'సీమటపాకాయ్' చిత్రంలో 'ఆకాశంలో ఒక తార' పాటను రీమిక్స్ చేసినట్లే ఈ సినిమాలో కూడా హీరో కృష్ణ చిత్రంలోని మరో పాటను రీమిక్స్ చేస్తాం. నరేష్ సరసన ఓ కొత్త నటి నటిస్తుంది. 'సీమటపాకాయ్' చిత్రానికి పనిచేసిన టీమ్ ఈ సినిమాకి కూడా పనిచేస్తుంది' అన్నారు.
