కృష్ణుడు హీరోగా నటిస్తున్న చిత్రం 'లింగడు-రామలింగడు'. వేగా ఎంటర్‌టైన్‌మెంట్ ప్రై. లిమిటెడ్ సమర్పిస్తోంది. పాలాక్షుని ఫిలిమ్స్ పతాకంపై అశోక్‌రావు దర్శకత్వం వహిస్తున్నారు. లక్ష్మీనారాయణ నిర్మాత. షూటింగ్ పూర్తయింది. ప్రస్తుతం నిర్మాణానంతర కార్యక్రమాలు జరుగుతున్నాయి. నిర్మాత చెబుతూ "ఈ చిత్రం ఇప్పటి వరకు వచ్చిన కృష్ణుడు చిత్రాలకు పూర్తి భిన్నంగా ఉంటుంది. చక్కని కథ, కథనాలతో ఆద్యంతం వినోదాన్ని పంచుతుంది. ఓ యువకుడు తను ప్రేమించిన అమ్మాయిని దక్కించుకోవడం కోసం అతని మామ పెట్టే కండిషన్లు, టెన్షన్లు ఎలా భరించాడు? అనేదే కథ. కృష్ణుడు ద్విపాత్రాభినయం చేశారు. జూలై రెండో వారంలో పాటల్ని, నెలాఖరున చిత్రాన్ని విడుదల చేస్తాం'' అని అన్నారు.
భానుశ్రీ మెహ్రా, రాజీవ్ కనకాల, కృష్ణభగవాన్, కొండవలస, నరసింహరాజు, కవిత, విజయభాస్కర్, జెన్నీ తదితరులు ఇతర పాత్రధారులు. ఈ చిత్రానికి మాటలు: నండూరి వీరేష్, పాటలు-సంగీతం-నృత్యాలు: స్టైల్ మధు, కెమెరా: నర్సింగ్‌రావు, నిర్మాత: లక్ష్మీ నారాయణ, కథ-స్క్రీన్‌ప్లే-దర్శకత్వం: అశోక్‌రావు.
