Showing posts with label babu mohan. Show all posts
Showing posts with label babu mohan. Show all posts

Tuesday, July 12, 2011

న్యూస్: హీరో కెరీర్ కోసం మరో కమెడియన్ కొడుకు

హీరో కెరీర్ కోసం మరో తెలుగు కమెడియన్ కొడుకు ప్రయత్నిస్తున్నాడు. అతను సీనియర్ కమెడియన్, కేరక్టర్ ఆర్టిస్ట్, రచయిత అయిన తనికెళ్ల భరణి కుమారుడు తేజ. అతను హీరోగా పరిచయం కాబోతున్న సినిమా పేరు 'మిస్టర్ లవంగం'. హాస్యం మేళవించిన ఫ్యామిలీ స్టోరీతో మల్లాది అనే దర్శకుడు ఈ సినిమాని తీర్చిదిద్దాడు. షూటింగ్, పోస్ట్ ప్రొడక్షన్ పనులు పూర్తయిన ఈ సినిమా పరిస్థితులు అనుకూలిస్తే జూలైలోనే విడుదలయ్యే అవకాశాలున్నాయి. ఇంతవరకు ఏ తెలుగు కమెడియన్ కొడుకూ హీరోగా వెండితెరపై తన ముద్రని వేయలేకపోయాడు. ఎమ్మెస్ నారాయణ కొడుకు విక్రం, బాబూమోహన్ కొడుకు ఉదయ్‌కుమార్, బ్రహ్మానందం తనయుడు గౌతం హీరోగా రాణించాలని ప్రయత్నించి విఫలమయ్యారు. ఇప్పుడు భరణి కుమారుడు తేజ వంతొచ్చింది. అతనైనా హీరోగా సక్సెస్ అవుతాడా లేక మిగతా కమెడియన్ కొడుకుల బాటనే అనుసరిస్తాడా.. అన్నది వేచి చూడాలి.

Monday, November 15, 2010

సినిమా: బ్రహ్మానందం కొడుకు 'వారెవా' అనిపిస్తాడా?

బ్రహ్మానందం కొడుకు గౌతం జ్ఞాపకమున్నాడా? 2004లో క్రితం వచ్చిన 'పల్లకిలో పెళ్లికూతురు' సినిమాలో అతనే హీరో. కొరియోగ్రాఫర్ సుచిత్రా చంద్రబోస్ డైరెక్టరుగా పరిచయమైన ఆ సినిమా ఫ్లాపవడంతో వెంటనే గౌతంకి మరో అవకాశం రాలేదు. ఆరేళ్ల తర్వాత ఇప్పుడు 'వారెవా' అనే సినిమాతో మరోసారి పరీక్షకి సిద్ధమవుతున్నాడు. లవ్, ఫ్యామిలీ ఎంటర్‌టైనర్‌గా తయారైన ఈ సినిమా షూటింగ్ పూర్తయి ఇప్పటికే ఆర్నెల్లు గడిచాయి. నవంబర్ 24న సినిమాని విడుదల చేయనున్నట్లు తాజాగా నిర్మాతలు ప్రకటించారు. బిజినెస్ కాకపోవడమే ఈ జాప్యానికి కారణం. మహేశ్ శంకర్ సంగీతం సమకూర్చిన ఈ సినిమాకి మహి డైరెక్టర్. తెరంగేట్రం చేసిన చాలా కాలానికి రెండో సినిమా చేసిన గౌతం ఇప్పుడైనా 'వారెవా' అనిపించుకుంటాడా, లేదా అనేది ఆసక్తికరం. ఇప్పటిదాకా తెలుగులో ఏ కమెడియన్ కొడుకు కూడా హీరోగా సక్సెస్ కాలేదు (ఉదా|| ఎమ్మెస్ నారాయణ, బాబూమోహన్ కొడుకులు). ఈ నేపథ్యంలో గౌతం దాన్ని బ్రేక్ చేస్తాడా?

Saturday, September 4, 2010

Movies: Tanikella Bharani's son debuting into films


మరో నట వారసుడు తెలుగు తెరకు పరిచయమయ్యేందుకు రెడీ అవుతున్నాడు. హాస్య నటులు బ్రహ్మానందం, ఎమ్మెస్ నారాయణ, బాబూమోహన్ కుమారులు ఇప్పటికే తెరకు పరిచయమయ్యారు. తాజాగా మరో సీనియర్ హాస్యనటుడు తనికెళ్ల భరణి కుమారుడు చైతన్య హీరోగా పరిచయం కాబోతున్నాడు. సెప్టెంబర్ 3న అతను హీరోగా నటిస్తున్న సినిమా షూటింగ్ చడీచప్పుడు లేకుండా హైదరాబాద్ లోని రాక్ కాజిల్లో మొదలైంది. ఈ సంగతి మీడియాకు సమాచారం అందించకుండా జాగ్రత్తపడ్డారు. భరణి రూపొందించిన షార్ట్ ఫిలిమ్స్ కి స్టోరీ, డైరెక్షన్ డిపార్టమెంట్స్ లో పనిచేసిన చలపతి ఈ సినిమా ద్వారా డైరెక్టరుగా పరిచయమవుతున్నాడు. ఒక కొత్త నిర్మాత తీస్తున్న ఈ సినిమాలో భరణి కూడా ఒక కీలక పాత్ర చేస్తున్నారు. కాగా చైతన్య స్క్రీన్ నేమ్ మారే అవకాశాలున్నట్లు విశ్వసనీయ సమాచారం. మిగతా హాస్య నటుల పుత్రులు హీరోలుగా పేరు తెచ్చుకోలేక పోయిన నేపథ్యంలో తనికెళ్ల భరణి కుమారుడైనా 'హీరో' అనిపించుకుంటాడో, లేదో చూడాలి.