తెలుగులో 'పిల్ల జమీందార్', తమిళంలో 'మురన్' సినిమాలు సక్సెస్ సాధించడంతో తెగ సంబరిపడిపోతోంది కన్నడ భామ హరిప్రియ. భూమిక నిర్మించిన 'తకిట తకిట' సినిమాతో తెరంగేట్రం చేసిన ఆమెకు తొలి సినిమా నిరాశని మిగిల్చింది. అలాంటిది ఆమెకు 'పిల్ల జమీందార్' ఆఫర్ రావడం అదృష్టమే అనుకోవాలి. నాని హీరోగా నూతన దర్శకుడు అశోక్ రూపొందించిన ఆ సినిమా హిట్టవడం కొత్త ఊపిరినిచ్చినట్లయింది. దీనికంటే కొద్ది రోజుల ముందు తమిళంలో రజ్జన్ మాధవ్‌ని డైరెక్టర్‌గా పరిచయం చేస్తూ చేరన్ నిర్మించిన 'మురన్' కూడా హిట్టవడంతో హరిప్రియ ఆనందానికి హద్దుల్లేకుండా పోయాయి. ఈ సినిమాలో ఆమె చేరన్ ప్రియరాలి పాత్రను బాగా చేసిందనే పేరు కూడా సంపాదించింది. ఇలా రెండు భాషల్లో వెంటవెంటనే రెండు సినిమాలు విజయం సాధించడంతో హరిప్రియ కెరీర్‌కు మేలు జరిగే అవకాశాలున్నాయి. చూద్దాం ఆమెకి ఎలాంటి ఆఫర్లు వస్తాయో...
