అసిన్ హ్యాట్రిక్ హిట్?

బాలీవుడ్‌లో రెండు వరుస హిట్లు సాధించిన అసిన్ హ్యాట్రిక్ హిట్ మీద కన్నేసింది. ఆమె హీరోయిన్‌గా నటించిన 'రెడీ', 'హౌస్‌ఫుల్ 2' ఒకదాన్ని మించి ఒకటి ఘన విజయం సాధించాయి. రానున్న 'బోల్ బచ్చన్' కూడా హిట్టయితే హ్యాట్రిక్ పూర్తవుతుందనేది ఆమె ఆశ. ఇవన్నీ కామెడీలు కావడం గమనించదగ్గ అంశం. "సల్మాన్‌ఖాన్, అక్షయ్‌కుమార్ వంటి స్టార్లు ఉండటం 'రెడీ', 'హౌస్‌ఫుల్ 2' సినిమాలకు బాగా ఉపయోగపడింది. 'బోల్ బచ్చన్'లో అజయ్ దేవగన్ ఉన్నాడు. అన్నిటికీ మించి ఇది సందర్భానుసారం నడిచే కామెడీ సినిమా. ఇలాంటి సినిమాలకి అసిన్ సరిగ్గా సరిపోతుంది'' అని తెలిపారు ఓ ట్రేడ్ విశ్లేషకుడు. అయితే ఇవి కామెడీ సినిమాలైనా ఒకదానికొకటి భిన్నమైనవి. 'హౌస్‌ఫుల్ 2'లో ఉన్నది స్లాప్‌స్టిక్ కామెడీ అయితే, 'బోల్ బచ్చన్' సిట్చువేషనల్ కామెడీ అనీ, ఈ రెండు సినిమాల్లో భిన్నమైన బాడీ లాంగ్వేజీతో నటించాననీ అసిన్ తెలిపింది. ఈ రెండు కామెడీలు ఒకదానికొకటి భిన్నమైనవైనప్పటికీ, బాక్సాఫీస్ వద్ద ఒకే విధమైన ఫలితాన్ని చూపిస్తాయని ఆమె నమ్ముతోంది. డైరెక్టర్ రోహిత్‌శెట్టితో అజయ్ దేవగన్ కాంబినేషన్ ఇప్పటివరకు సూపర్ సక్సెస్ అవడం కూడా ఈ సినిమాపై అసిన్ నమ్మకానికి ఓ కారణం.

న్యూస్: బాలీవుడ్‌లో కాజల్ జిగేల్‌మంటుందా?

తెలుగులో టాప్ హీరోయిన్‌గా వెలిగిపోతున్న ముంబై భామ కాజల్ అగర్వాల్ తన మాతృభూమిలో అలాంటి మ్యాజిక్‌ని చూపిస్తుందా? ఇప్పుడందరూ ఈ విషయంపై ఆసక్తి ప్రదర్శిస్తున్నారు. ఆమె నాయికగా నటించిన తొలి బాలీవుడ్ ఫిల్మ్ 'సింఘం' జూలై 22న విడుదలవుతుండటమే దీనికి కారణం. ఇందులో ఆమె అజయ్ దేవగణ్ సరసన కనిపించబోతోంది. సూర్య, అనుష్క జంటగా నటించిన తమిళ హిట్ మూవీ 'సింగం' (తెలుగులో 'యముడు')కి ఇది రీమేక్. ఇందులో ఎస్సై బాజీరావ్ సింఘంగా అజయ్ నటిస్తే, అతని ప్రేయసి కావ్యగా కాజల్ నటించింది. మొదట ఈ పాత్రకి అసిన్‌నీ, తర్వాత ఒరిజినల్‌లో చేసిన అనుష్కనీ తీసుకోవాలని దర్శకుడు రోహిత్‌శెట్టి అనుకున్నాడు. అయితే అనుష్క బాలీవుడ్‌లో అడుగుపెట్టడానికి ఆసక్తి చూపక పోవడంతో అనుకోకుండా ఆ ఛాన్స్ కాజల్ దక్కించుకుంది. వచ్చిన అవకాశాన్ని ఆమె చక్కగా ఉపయోగించుకున్నదనేది సమాచారం. నిజానికి ఈమెకి బాలీవుడ్‌లో ఇదే తొలి సినిమా కాదు. అసలామె తెరంగేట్రమే బాలీవుడ్‌లో జరిగింది. 2004లో వచ్చిన 'క్యూన్.. హో గయా నా' సినిమాలో హీరోయిన్ ఐశ్వర్యారాయ్ ఫ్రెండ్ పాత్రని తొలిగా చేసింది. ఆ సినిమా ఫ్లాపవడంతో ఎవరి దృష్టినీ ఆకర్షించలేక పోయింది కాజల్. దాంతో దక్షిణాదికి వచ్చిన ఆమె తన అందచందాలు, అభినయంతో టాలీవుడ్‌లో టాప్ రేంజికి ఎదిగింది. ఇన్నాళ్లకి హీరోయిన్‌గా తన భాషా చిత్రసీమలో ఆమెకి తొలి అవకాశం వచ్చింది. ఈ సినిమాతో తెలుగులో మాదిరిగానే అక్కడ కూడా ఆమె జిగేల్‌మంటుందో, లేదో...

Movies: North rejects South heroines

సౌత్ ఇండియన్ హీరోయిన్లకి బాలీవుడ్డులో స్థానం దక్కడం లేదు. ఉత్తరాది ప్రేక్షకుల ఆదరణ లభించడం లేదు. ఇదివరలో శ్రీదేవి, జయప్రదకు ఈ పరిస్థితి లేదు. కానీ ఇప్పుడు అక్కడి ప్రేక్షకుల టేస్ట్ మారినట్టుంది. సౌత్ హీరోయిన్లంటే మొహం చాటేస్తున్నారు. అది శ్రియ అయినా, అసిన్ అయినా, త్రిష అయినా ఒకటే.. ఎవరినీ అభిమానించి ఆదరించడం లేదు. ఈ మార్పు 2007లో శ్రియతో మొదలైంది. ఆమె 'ఆవారాపన్'తో హిందీలో అరంగేట్రం చేసి తిరుగుముఖం పట్టింది. ఆ తర్వాత 2008లో 'జానే తూ యా జానే నా'తో జెనీలియాకి ఈ పరిస్తితే ఎదురైంది. ఆ తర్వాత 'గజిని'తో అసిన్, ఇప్పుడు 'ఖట్టా మీఠా'తో త్రిష కూడా తిరుగుముఖం పట్టాల్సి వచ్చింది. ఈలోగా ఇటు మాతృభాషలోనూ డిమాండ్ తగ్గిపోయి త్రిశంకు స్వర్గంలో కొట్టుమిట్టాడుతున్నారు వీళ్లందరూ. దీన్నించి నేర్చుకోవాల్సిన పాఠమేంటి? టౌను పక్కకెళ్లద్దురో డింగరీ అనేకదూ! లేకపోతే రెంటికీ చెడ్డ రేవడి అవుతారు.

Telugu Cinema Quiz-3

1. 'ఝుమ్మంది నాదం' డైరెక్టర్ ఎవరు?

2. రోజా హీరోయిన్‌గా నటించి, నిర్మించిన సినిమా?

3. 'మిస్సమ్మ'లో శివాజీ భార్య?

4. ఎస్వీ రంగారావు కీచకుడిగా నటించిన సినిమా?

5. కృష్ణ, జయసుధ జంటగా పి.చంద్రశేఖరరెడ్డి డైరెక్ట్ చేసిన సినిమా?

6. 'భూమికోసం' సినిమా డైరెక్టర్?

7. 'దోషి నిర్దోషి'లో సుమన్ జోడీ?

8. వెంకటేశ్, అసిన్ జంటగా నటించిన సినిమా?

9. హీరోగా నటించి, బి. నరసింగరావు డైరెక్ట్ చేసిన అవార్డు సినిమా?

10. ఎం.వి. రఘు డైరెక్షన్‌లో రాజశేఖర్ నటించిన సినిమా?

జవాబులు:
1. కె. రాఘవేంద్రరావు
2. సమరం
3. లయ
4. నర్తనశాల
5. పులిజూదం
6. కె.బి. తిలక్
7. లిజి
8. ఘర్షణ
9. రంగుల కల
10. ఆర్తనాదం