Showing posts with label sangeetha. Show all posts
Showing posts with label sangeetha. Show all posts
Wednesday, August 17, 2011
న్యూస్: 'ధనం' ఎలా ఉంటుందో!?
మూడేళ్ల క్రితం సంగీత టైటిల్ రోల్ పోషిస్తూ తమిళంలో నటించిన 'ధనం' సినిమా ప్రేక్షకులతో పాటు విమర్శకుల్నీ బాగా మెప్పించింది. ఇందులో ఆమె హైదరాబాద్కి చెందిన సెక్స్వర్కర్గా నటించడం గమనార్హం. దర్శకుడు శివ హైదరాబాద్లోని సెక్స్ వర్కర్ల జీవితాల్ని పరిశీలించి, 'ధనం' స్క్రిప్టుని రూపొందించాడు. ఈ సినిమా షూటింగ్ సైతం రామోజీ ఫిలింసిటీ, హైదరాబాద్ పరిసర ప్రాంతాల్లోనే జరిగింది. కోట శ్రీనివాసరావు, ప్రకాశ్ రాజ్, రాజ్యలక్ష్మి, గిరీశ్ కర్నాడ్, ఆశిశ్ విద్యార్థి, వివేక్ వంటి తెలుగు ప్రేక్షకులకు బాగా పరిచితమైన నటులు నటించిన ఈ సినిమా ఈ ఆగస్టులోనే తెలుగులో విడుదల కాబోతోంది. ఇందులో 'ధనం' పాత్రలో సంగీత నటన హైలైట్ అని కోట శ్రీనివాసరావు స్వయంగా చెప్పడం విశేషం. ఇళయరాజా సంగీతం సమకూర్చిన ఇందులోని పాటల్ని చంద్రబోస్, వెన్నెలకంటి, సాహితి, వనమాలి, రామజోగయ్యశాస్త్రి వంటి పేరుపొందిన గేయ రచయితలు రాశారు. తనని పెళాడతానన్న ఓ బ్రాహ్మణ యువకుణ్ణి అతని కుటుంబ అంగీకారంతోనే పెళ్లి చేసుకున్న 'ధనం', ఆ తర్వాత ఎలాంటి ఇబ్బందుల్ని ఎదుర్కొంది, చివరికి ఎలాంటి నిర్ణయం తీసుకుంది? అనేది ఇందులోని ప్రధానాంశం. తెలుగు నేటివిటీతోటే సినిమా తీయడం వల్ల తమిళ ప్రేక్షకులకి మించి తెలుగు ప్రేక్షకులు ఈ సినిమాని ఆదరిస్తారని నిర్మాతలు అడ్డాల వెంకట్రావు, ఎ. సెల్వం ఆశాభావంతో ఉన్నారు. చూద్దాం... చాలా కాలం క్రితమే ఫేడవుట్ అయిన సంగీత ఈ సినిమాతో తెలుగు ప్రేక్షకుల్ని ఆకట్టుకుంటుందో, లేదో...
Subscribe to:
Posts (Atom)
