చిరుకు అపూర్వ స్పందన

తిరుపతి పర్యటనలో చిరంజీవికి విశేష స్పందన లభించింది. జనం తన కోసం ఎదురు చూస్తుండటంతో సంబరపడిన చిరంజీవి హుషారుగా అడుగులు వేసుకుంటూ ఇంటింటి ముంగిటకు దూసుకుపోయి హస్తం గుర్తుకు ఓటేయమని అభ్యర్థించారు. చిరంజీవి చొరవ, మాట తీరు గమనించిన ప్రజలు ఆయన ప్రసంగంపై ఎక్కువ ఆసక్తి కనబరిచారు. మహిళలు పెద్ద ఎత్తున మంగళహారతులు పట్టారు. అడుగడుగునా పూల వర్షం కురిపించారు. పెద్ద సంఖ్యలో యువకులు చిరంజీవితో పాటు ఇంటింటి ప్రచారంలో పాల్గొన్నారు.