ముద్దు
ముద్దులోని మాధుర్యం
అనుభవానికి తెచ్చే పెదవులు
ముద్దు
ఒక సముజ్వల వాంఛ
రెండు ప్రాణ వాయువుల్ని
పెనగలిపితే వచ్చే పరవశత్వం
ముద్దు
ప్రేమికుల ప్రాథమిక హక్కు
రెండు హృదయాల నుంచి మొదలై
పెదాల ద్వారా ఉద్భవించే
ఉత్కృష్ట భావం
ముద్దు
ఒక ప్రణయ బాధ
ఒక మూగ వేదన
పుట్టిన ప్రతివాడూ గిట్టేలోగా
ఎప్పుడో ఒకప్పుడు
ముద్దు మాధుర్యాన్ని
చవిచూసే తీరతాడు
No comments:
Post a Comment