అసోసియేటెడ్ మైనింగ్ కంపెనీ (ఏఎంసీ) గనుల అక్రమాల కేసులో ప్రస్తుతం జ్యుడీషియల్ కస్టడీలో ఉన్న మాజీ మంత్రి గాలి జనార్దన రెడ్డి, ఆయన సన్నిహితుడు అలీఖాన్ కస్టడీని ఈనెల 18 వరకు పొడిగించారు. గనుల అక్రమాలకు సంబంధించి సీబీఐ వీరిద్దరినీ అరెస్టు చేసిన సంగతి తెలిసిందే. జ్యుడీషియల్ కస్టడీ పూర్తి అయిన సందర్భంగా సీబీఐ కోర్టు ఈ పొడిగింపు ఉత్తర్వులు జారీ చేసింది. మాజీ మంత్రి జనార్దన రెడ్డి, ఆయన సన్నిహితుడు అలీఖాన్ ప్రస్తుతం బెంగళూరు శివారులోని పరప్పన అగ్రహార జైల్లో ఉండడంతో భద్రతా దృష్ట్యా అక్కడి నుంచే వీడియో కాన్ఫరెన్స్ ద్వారా మంగళవారం న్యాయమూర్తి విచారణ చేపట్టి కస్టడీని పొడిగించారు.
No comments:
Post a Comment