Friday, November 11, 2011

ప్రివ్యూ: సోలో

నారా రోహిత్ హీరోగా నటిస్తున్న రెండో సినిమా 'సోలో'. నారా చంద్రబాబునాయుడు తమ్ముడు రామ్మూర్తినాయుడు కుమారుడైన రోహిత్ 'బాణం' సినిమాతో హీరోగా పరిచయమయ్యాడు. అందులో ఓ మాజీ నక్సలైట్ కుమారుడు భరత్ పాణిగ్రాహిగా రోహిత్ ప్రదర్శించిన సెటిల్డ్ పర్ఫార్మెన్స్ ప్రేక్షకుల్ని మెప్పించింది. ఇప్పుడు అతను నటిస్తున్న 'సోలో'కి పరశురాం దర్శకుడు. 'యువత', 'ఆంజనేయులు' సినిమాల తర్వాత పరశురాం డైరెక్ట్ చేస్తున్న సినిమా ఇదే. స్క్రిప్టే ఈ సినిమాకి అసలు హీరో అని అతను చెబుతున్నాడు. ఇక రోహిత్ సరసన నాయికగా కాజల్ అగర్వాల్ చెల్లెలు, 'ఏమైందో ఈవేళ' ఫేం నిషా అగర్వాల్ నటిస్తోంది. 'సాలిడ్ లవ్‌స్టోరీ' అనే ట్యాగ్‌లైన్‌తో ఎస్.వి.కె. సినిమా బేనర్‌పై వంశీకృష్ణ శ్రీనివాస్ ఈ సినిమా నిర్మిస్తున్నారు. మణిశర్మ సంగీత దర్శకుడు. 
ప్రకాశ్‌రాజ్ కీలక పాత్ర చేస్తున్న ఈ చిత్రంలో సాయాజీ షిండే, సుహాసిని, రవిప్రకాశ్, అలీ ప్రధాన తారాగణం. రామజోగయ్యశాస్త్రి, కృష్ణచైతన్య పాటలు రాసిన ఈ సినిమాకి ఎడిటింగ్: మార్తాండ్ కె. వెంకటేశ్, కళ: రఘు కులకర్ణి, స్టైలింగ్: అర్చన పరశురాం, అడిషనల్ స్క్రీన్‌ప్లే: సత్య, కథ, స్క్రీన్‌ప్లే, మాటలు, దర్శకత్వం: పరశురాం.

No comments: