సిద్ధార్థ్, సమంత జంటగా ఓ చిత్రం రూపొందబోతోంది. 'అలా మొదలైంది' ఫేమ్ నందినీరెడ్డి దర్శకత్వం వహించే ఈ చిత్రాన్ని శ్రీ సాయిగణేశ్ ప్రొడక్షన్స్ పతాకంపై బెల్లంకొండ సురేశ్ నిర్మించనున్నారు. ఈ చిత్రం గురించి బెల్లంకొండ సురేశ్ తెలియజేస్తూ "నందినీరెడ్డి అద్భుతమైన కథ చెప్పారు. సిద్ధార్థ్, సమంత కూడా కథ వినగానే ఎంతో ఇన్‌స్పైర్ అయ్యారు. వచ్చే జనవరి నుంచి రెగ్యులర్ షూటింగ్ జరుగుతుంది. ఇటీవల 'కాంచన', 'కందిరీగ' వంటి చిత్రాలు మా బేనర్‌కి ఎంతో పేరు తెచ్చాయి. ఈ సినిమా ఆ కోవలోనే పెద్ద హిట్టవుతుంది'' అని చెప్పారు.
ఈ చిత్రానికి సంగీతం: తమన్, ఎగ్జిక్యూటివ్ ప్రొడ్యూసర్: బి. మహేంద్రబాబు, కథ, స్క్రీన్‌ప్లే, దర్శకత్వం: బి.వి. నందినీరెడ్డి.
No comments:
Post a Comment