మణిరత్నం చిత్రంలో లక్ష్మీ మంచు

మణిరత్నం దర్శకత్వం వహిస్తున్న తాజా చిత్రం 'పూక్కడై'. ఇందులో లక్ష్మీ మంచు ఓ కీలక పాత్రను పోషించనున్నారు. ఆమె నటిస్తున్న తొలి తమిళ చిత్రమిది. తెలుగులో 'అనగనగా ఓ ధీరుడు', హిందీలో రామ్‌గోపాల్‌వర్మ 'డిపార్ట్‌మెంట్'లో లక్ష్మీ నటించిన సంగతి విదితమే. మరోవైపు బాలకృష్ణ, మంచు మనోజ్ నటిస్తున్న 'ఊ కొడతారా ఉలిక్కిపడతారా' చిత్రాన్ని నిర్మిస్తున్నారు. ఆమె కథానాయికగా సెట్స్‌మీదకు వెళ్ళనున్న సొంత చిత్రం 'గుండెల్లో గోదారి' పనుల్లోనూ ఆమె నిమగ్నమై ఉన్నారు. ఇంత బిజీలోనూ మణిరత్నం చిత్రంలో నటిస్తున్నందుకు ఆమె ఆనందాన్ని వ్యక్తం చేశారు.