నేటి పాట: ఓ కుర్రవాడా వెర్రివాడా (పిచ్చిమారాజు)

చిత్రం: పిచ్చిమారాజు (1975)
రచన: ఆత్రేయ
సంగీతం: కె.వి. మహదేవన్
గానం: పి. సుశీల, ఎస్పీ బాలసుబ్రహ్మణ్యం

ఆమె: ఓ కుర్రవాడా - వెర్రివాడా
ఎందుకిలా - నువ్వెందుకిలా
నన్నొదిలి యిలా పారిపోతావు

అతడు: ఓ కుర్రదానా - వెర్రిదానా
ఎందుకిలా -నువ్వెందుకిలా
నన్నొదలకిలా తరుముకొస్తావూ -

అతడు: నేలకి నింగికి కలవదమ్మా
నీకు నాకు పొత్తెపుడు కుదరదమ్మా

ఆమె: నింగిలోని వెన్నెలంత నేలకే సొంతము
నీకూ నాకూ ఉన్నది అదే బంధము   ||ఓ||

అతడు: చల్లగాలి ఊరుకోదు - పిల్లమనసు ఓర్చుకోదు
ఓర్చుకోనీ పిల్లదాన్ని ఓపలేను ఆపలేను

ఆమె: ఏం చేయమంటావు నన్ను
నన్నెలా వదలమంటావు నిన్ను    ||ఓ||

అతడు: అందాలతో నాకు బంధాలు వేయకు
పిచ్చివాణ్ణి మరీమరీ రెచ్చగొట్టకు

ఆమె: రెచ్చితే పిచ్చి ఎంతో ముచ్చటగ ఉంటుంది
ముచ్చటైన కౌగిట్లో పిచ్చి కుదిరిపోతుంది   ||ఓ||