Monday, December 21, 2015

NTR's Sting Operation

తెహెల్కా డాట్ కామ్ చేసిన స్టింగ్ ఆపరేషన్ హిట్టయ్యాక మన దేశంలో రహస్య కెమెరాల వినియోగం పెరిగింది. అయితే దివంగత ఎన్టీఆర్ చాలా కాలం క్రితమే ఈ స్టింగ్ ఆపరేషన్‌ను నిర్వహించారు. ఇది నిజంగా నిజం. 1983లో ఖైరతాబాద్ అసెంబ్లీ నియోజక వర్గం నుంచి ఎన్నికైన మాధవరం రామచంద్రరావు కార్మిక శాఖ చేపట్టారు. ఆయన ఇప్పటి టిఆర్ఎస్ నాయకుడు సుదర్శనరావు తండ్రి. సంచలనాలు కోరుకునే ఎన్టీఆర్ తన మంత్రివర్గ సహచరుడి మీదనే స్టింగ్ ఆపరేషన్ తలపెట్టారు. ఒక పోలీసు అధికారి స్వయంగా మారువేషంలో వెళ్లి పది వేల రూపాయలు లంచం ఇచ్చి తనకో పని చేసి పెట్టాలని కోరాడు. వెంటనే అవినీతికి పాల్పడ్డారంటూ రామచంద్రరావును రామారావు బర్తరఫ్ చేశారు. ఇందులో ప్రయోజనాల కంటే సంచలనమే ఎక్కువ కనిపించిందని అప్పట్లో చెప్పుకున్నారు.

No comments: