ఇటీవలే విడుదలై ఘన విజయం సాధించిన బాలీవుడ్ సినిమా 'ఇష్క్‌జాదే' హీరోయిన్ పరిణీతి చోప్రా బికినీ ధరించేందుకు తాను సిద్ధమంటోంది. టాప్ హీరోయిన్ ప్రియాంక చోప్రాకు కజిన్ అయిన పరిణీతి గత ఏడాదే 'లేడీస్ వర్సెస్ రిక్కీ బెహల్' సినిమా ద్వారా పరిచయమై ఆకట్టుకుంది. నటిగా ఎలాంటి పరిధులూ విధించుకోలేదనీ, స్క్రిప్ట్ డిమాండ్ చేస్తే ఇంటిమేట్ సీన్లలోనూ నటిస్తాననీ ఆమె తెలిపింది. 'ఇష్క్‌జాదే'లో హీరో అర్జున్‌కపూర్‌తో ఆమె కొన్ని ఇంటిమేట్ సీన్లు చేసింది కూడా. "నన్ను నేను నమ్ముతాను కాబట్టే ఎలాంటి పరిమితులూ పెట్టుకోలేదు. 'ఇష్క్‌జాదే' స్క్రిప్ట్ చదివినప్పుడు అందులోని శృంగార లేదా ముద్దు సీన్ల గురించి నేను ఆలోచించలేదు. అందులో ఉన్నవి సందర్భానుసారం వచ్చేవే. అందుకే ప్రేక్షకులు వాటిని ఆస్వాదిస్తున్నారు. స్క్రిప్టు ప్రకారం తప్పదనుకుంటే శృంగార, ముద్దు సీన్లలో నటించడానికి, బికినీ ధరించడానికీ నేను సిద్ధం. ఏ నటికైనా ఫలానావి మాత్రమే చెయ్యాలనే పరిమితులు ఉండకూడదని నేను నమ్ముతా'' అని కుండబద్దలు కొట్టినట్లు చెప్పింది ఈ ముద్దుగుమ్మ.
No comments:
Post a Comment